09 Sep 2019 11:04

Inkhel

Mizo Sports Website hmasa ber

​Goalkeeper vanduai Hardy

Kumin Hnahthial I-Day Football Group Match ah Lungleng Veng leh Model Veng an inkhel a, chak lo zawk zawk tlak a ni, Model lamin Counter chance an hmu a, model player-in ball a um phei chu, Lungleng Keeper Hardy Lalnunmawia dan ngei tumin a tlanchhuak a. Hetah hian vanduaina a thleng ta.

Model Veng striker hian Ball a pet chiah a, Hardy nen hian an inchilh ta a ni. Model veng striker hi a in withdraw hman ṭep a, an inchilh takah chuan amah hi a inbin a, lu leivit zawngin a tla a, na zawk tura ngaih a nih lain match erawh a khel chhunzawm thei mai a.

Goalkeeper Hardy erawh a inhliam chu a lo na angreng hle mai, Hnahthial Sub-District Hospital panpui nghal a ni a, tlai lamah Lunglei phurh thlak leh niin a kawchhungah thi a lo tling nasa hle tih hmuh a ni a.

Aizawl panpui lehnghal niin test chi hranghrang neih a ni a, a thi a lo tling tam tawh hman hle. Thi a putna lai an hmu thei si lo, an zai nghal a, a la a lo thler nasa hle tih hmuhchhuah niin a rilbawh pawh a thler nasa viau bawk.

Darkar 4 chhung ngawt OT-ah a awm a, ziaawm chho mai tura ngaih a nih laiin thi a put chhunzawm ta zel mai si a. Vawi thum an thui nawn a, thi put hi a reh niin an hria.

August ni 15, 2019 khan thisen 100ml an siak chhuak leh a, MRI te tiin phurhsawn an huphurh bawk nen, dinhmun khirh takah a ding. Toilet pan tur pawhin khawihchet ngam a ni lo a, Hardy Lalnunmawia hi kum 19 a upa niin sipaia luh tum em em a ni a. Personal interview chiah hmachhawn tawh a, tling chho mai tur nia a lan laiin hetiang hian vanduaina a tawk ta a, a tum ber hna chu a hmu thei dawn ta lo niin a lang. Tin, a hmangaih em em football pawh a khelh chhunzawm theih a rinawm ta lo bawk a ni.

Hardy tan hian football team an rawn lang ta a, a khelhna club Lungleng leh HZFA tangkawpin inenkawlna atan Rs. 9600 an hlan a, Electric FC chuan Rs. 4000, Model FC in Rs. 2000 leh Chanmari FC ten Rs. 1000 an hlan a. Hnahthial zone FA pawhin I-day tournament final-ah a pualin bawm an dawh a, Rs. 10180 an hmuh sak bawk.

Tin, tun nilaini lo awm turah hian a puala charity football match neih a ni dawn a, Joint YMA team Hnahthial leh Bazar FC te an inkhel ang.

Joint YMA Team, Hnahthial Vs Bazar FC

(Exhibition Match in aid of Hardy)

Pre-Match Programme:

Chairman: C.Thangchhuana, Sr. Vice President, EZFA

Hunserh : Upa H.Vanlalsawia

Report : C.Lalhlimpuia

Khuallian : Vanlalmawia, MCS, DC Hnahthial

Halftime Show

Compere : Ht.Lalzahngaii

Solo : Lalhlumawii, Baby Vanlalhriatpuii, Mc.Laldingliani, Lalromawii, Lalchhanchhuahi, TBC.Lalzuithanga

JYMA Team:

Rosangliana Khiangte(Gk), H.Malsawmtluanga (GK), Jimmy Lalrosanga(DF), Vanlalhmachhuana(DF), Lalfelfamkima(DF), J.Lalchhanhima(DF), MC.Lalhruaizela(MF), K.Lalrinfela (MF), Zomuanpuia(MF), Lalramdinthara(MF), C.Malsawmsanga(FW), Jeremy Laldinpuia(FW), Lalrintluanga Tutua(FW), Rochanhlua(FW)

Bazar FC:

C.Vanlaldika (GK), Lalruatdika (GK), Victor Lalfakzuala (DF), Lalthantluanga Sailo (DF), Lalthafala Sailo (DF), Lalthantluanga Hmar(DF), Hmingthansiama (DF), Lalngaihzuala Sailo (DF), K.Laldinpuia (MF), K.Lalhlimpuia (MF), Lalnunzira (MF), Lalrempuia (MF), Lalfelkima (MF), Zodinzuala (FW), Jeho Lalnunchanga (FW), Lallawmkima (FW), Lalruatpuia (FW), Lalnunpuia (FW)