​Goalkeeper insawn runpui a thleng dawn ?

29th April 2015, 05:04AM

Real Madrid captain ni mahse Spanish goalkeeper Iker Casillas chuan tun season tawp ruala Real Madrid chhuahsana Arsenal pan a tum.

He thu hi Spanish Journalist Josep Pedrerol tarlan niin, kum 33 mi Real keeper hian chiang taka Arsenal pan a tum thu a tarlang a. Casillas hian Real Madrid-a a dinhmun a hrechiang niin a lang a.

Real Madrid chuan ngawrh takin Manchester United goalkeeper Dea Gea an rim, season tharah chuan Real Madrid hian lak mai an inring niin a lang. Hengte a nih avangin first XI a chan theihna hmun pan mai a tum dawn niin a lang.

Pedrerol chuan he thu hi Spanish television-a a sawi hnuah twitter lamah pawh a tarlang nghe nghe a. Arsenal hian goalkeeper tha tak tak pahnih Wojciech Szczesny leh Colombian David Ospina te nei mahse an ring zo lo ni berin a lang, Casillas hming lam rik a nih hma pawhin Arsenal hian goalkeeper tha an melh nia tarlan a ni.

Season tharah hian goalkeeper insawnkualna hun a thleng dawn niin a ngaih theih. Dea Gea hi Real Madrid-in an la thei a nih ngat chuan Casillas a chhuak ngei dawn niin a lang a. Man utd pawhin goalkeeper thar an dap nghal dawn a, Tottenham goalkeeper Lloris chuan Spurs-ah contract la nei nual mahse Champions League khelh a duh lutuk avangin chhuah a tum ngei dawn nia sawi a ni bawk a, Man Utd nen sawi zawm a ni mek bawk.

Copyright © inkhel.com 2024. All rights reserved.