Argentina captain Lionel Messi chuan goal a thun theihlohna chuan amah ah harsatna a siam lem loh thu a sawi.
Copa America khelh mekah hian Messi hian goal khat chiah ala thun a, tukin semi-final a Paraguay 6-1 laia an hneh tum pawhin goal a thunlo leh a ni.
Paraguay lakah hian goal thunlo mahse Messi hi a che tha hle a, assist pathum lai neiin Man of the Match ah thlan a ni nghe nghe.
Messi hian goal thun a harsat chungchang chu a rilru a awm ber a nihloh thu sawiin, "Goal ka thunloh chungchang khan min ti buai lem lo, kan khelh dan tur diktak a khel in kan tum ber final kan lut leh ta a, champion nih kan chak in kan phur tawh hle a ni"
Copa America Final ah hian Argentina leh he tournament thlengtu Chile te chu July ni 4 hian Estadio Nacional ah an inhmachhawn ang.
Messi hian final chu game hautak leh inkhel tawk tak a nih a rinthu a sawi a, Argentina tan trophy liantham chawi a chak zek zek tawh thu a sawi bawk.