Liverpool chuan Parma defender Giovanni Leoni an la lut dawn ta a, kum 18 mi man chungchangah hian club pahnih te chu £26million (€30m) bakah add-ons in an inrem niin The Athletic chuan a tarlang,.

Leoni hi Parma chuan England lama zin an phalsak tawh a, mimal thilah harsatna a awm lo a, Leoni hian vawiin hian Liverpool-ah medical a neih hman rin a ni.

Liverpool hian kum 18 mi lek mah ni se, loan-a chhuahtir leh nghal an tum lo a, first team-a hrual nghal an tum dawn nia report a ni.

Leoni hi Italy Under 19 team-a awm mek a ni a, Parma-ah hian kum 2029 thleng contract a nei a ni.

Liverpool hian an tlarhnung a thuam tha chho mek a, thla hmasa khan Jarell Quansah chuan Bayer Leverkusen a pan a, Konate pawh a dinhmun a chiang lo mek a, Anfield-ah kum 1 chiah contract a nei tawh a, Real Madrid chuan an ngaihven mek a ni.

Liverpool hian Kerkez an la tawh a, tunah Leoni an la lut mek a, Crystal Palace atangin Marc Guehi lak tumin hma an la leh mek a, England international leh Liverpool te hian mimal inremna an nei tawh nia report a ni a, Reds chuan Palace an dawr chho mek bawk a ni.

Premier League Champions hian tun nipui bazarah hian player an lei nual tawh. Bayer Leverkusen atangin Florian wirtz leh Jeremie Frimpong an la lut tawh a, Bournemouth atangin Milos Kerkez an la tawh bawk a, Newcastle United atangin Alexander Isak an ngaihven mek bawk a ni.