Boxing middleweight bout-ah Saul Canelo Alvarez chuan Gennady Gennadyevich Golovkin (GGG) chu mojority decision hmanga hnehin WBC leh WBA middleweight title-te a chhuhsak.

Boxer pahnihte hi nikum lam khan lo inhmachhawn tawhin, chak zawk an awm lova, an intum nawn naah Alvarez chuan hnehna a chang ta a ni. Las Vegas, T-Mobile Arena-ah inhmachhawnin an inhnehtawk leh pek hle a, judge pakhatin in hnehtawk tir mahse judge dang pahnih ten Alvarez an chak tir thung.

Judge Glen Feldman chuan 114-114 a pek laiin, judge dang pahnih Dave Moretti leh Steve Weisfeld-te chuan 115-113 in Canelo an dah chungnung zawk. ESPN pawhin Glen Feldman ang tho in 114-114 an pe ve bawk.

Boxer pahnihte hi hemi hma hian rematch nei tura tih an lo ni tawh a, Alvarez chuan drug test a paltlang zawh loh avangin sawn hlat a ni. Golovkin hian a middleweight title-te hi a lo humhim rei tawh hle a, vawi 20 ngawt a lo humhim tawh.

Boxer hnihte an inhnehtawk em avangin inhnialna a tam leh pek hle dawn tih a chiang a. Canelo chuan an fight zawh hian, Golovkin hi fight pui leh a hreh loh thu a sawi chhuak nghe nghe a, boxer hnihte hi an in fight leh a, engkim a tawp nan an chinfel ngei pawh a rinawm hle a ni.