Liverpool chuan Inter Milan midfielder Mateo Kovacic chu lakluh ngei tumin an thilthlai chhunzawm zel niin a langa, Anfield ah Kovacic kan hmu hnai tawh hle nia sawi a ni mek.

Croatian daily sports newspaper Sportske Novosti chuan Liverpool scout ten nimin mai khan Kovacic-a inkhel an en tiin a chhuaha, 1-1 in Italy leh Croatia te Euro 2016 qualifier ah khan an inhnehtawk a nih kha.

Sportske Novosti chuan Croatia a Liverpool ai awh te kal chhan ni ber chu amah Kovacic nena mimal inbiakna nei turin tih lam hawiin thu a chhuah lehzel bawk.

Liverpool hian 22.6 million euros (16.3 million pounds) Kovacic manah an thehchhuak phal tih an sawi tawha, 2 million euros pawh a khelh that dan a zira pek belh an hreh loh thu an sawi tawh bawk.

Sportske Novosti chuan Kovacic chu Gerrard thaktu tur ang hialin a chhuah a. Tunhnaiah Inter Milan an che tha tawk lo chung pawha tha taka la khel thei reng Kovacic lakluh chu Liverpool tan thil duhawm tak a nih ngei a rinawm.

Sportske Novosti thuchhuah hi engang chiaha rintlak nge a nih hriat ni lo mahse nikum nipui laia Liverpool in Dejan Lovren an lalut fel tih chhuah hmasa bertu te an nihna hian engemaw chenah an thuchhuah rintlak a nihzia a tarlang awm e.