Steven Gerrard chuan goal pawimawh tak LA Galaxy tan khungin, 3-2 in FC Dallas an hneh a, MLS Supporters' Shield & Western Conference-ah a chung ber an ni ta.
LA Galaxy tan hian Giovani dos Santos leh Robbie Keane ten goal an khung hnuah Gerrard chuan goal thumna a khung a, he goal hi an chak pui ta a ni.
"Ka la inringtawk em em a, kha goal kha team tan a tangkai hle, kar hmasa khan dinhmun thaah kan ding chho ang tih ka lo sawi tawh a, point thum kan hlawh chhuak a, mimal chanchin aiin chu chu thil pawimawh ber a ni, kan tan chuan results tha leh ropui tak a ni e," tiin Liverpool captain hlui Gerrard chuan a sawi.