Germany Students National Football Team hi team tha tak an ni dawn, India level atanga teh chuan an thiam hle a ni - Arunava Chaudhuri
January 6 tlai dar 3:30-ah Mizoram XI nen Lammualah an inkhel dawn.
Tickets - Rs 200, Rs 500 & Rs 2000
Organising Committee chu December 24 khan a thukhawm a, thu pawimawh tak tak a rel a. Hengte hi mipui hriat tur tul thenkhatte a ni:
1. Ticket hi January 4&5-ah heng hmunahte hian zawrh a ni ang - Chanmari Kawn, Millennium Centre kawt, Treasury Square, Sikulpuikawn.
2.Lammual tlang leh chair-te Rs 500/- a ni ang. Rs 200 man ticket a awm ang a, hei hi chu Lammual hmun dang zawng (VIP leh Rs 2000 man thutna man tel lo) a huam ang.
3. Mi 200 tan chiah Rs 2,000 man ticket siam a ni a, anni hi thutna tha bik pek an ni ang a, ei leh in tur pek an ni ang a, hei bakah hian zanah German team-te nen Musical Night & Dinner buatsaihah an kal thei bawk ang.
4. Gate hi dar 1:00-ah hawn ni ang. Dar 1:30 atangin entertainment programme tan a ni ang. Vanlalhlana, Sangtei Khuptong, TBC Zaithanpuia leh Grace Lalchhanhimi-te an zai ang. Gate hi kickoff hma minute 30 awm dar 3:00-ah khar a ni ang. Mipui inkhel en tum chu a hma thei ang bera kut tura ngen an ni.
5. Lammual chhungah eng thil mah ken luh phal a ni lo ang a, a chhungah ei leh in tur zawrh a ni thung ang. Ei leh in zuartu tur bik ruat an ni ang.
6. German Students National Football Team hi January 5-ah an lo thleng ang a, January 6 zing lamah hnuchham enkawlna hmun an tlawh ang a, tlaiah inkhelin zanah an pualin musical night & dinner buatsaih a ni ang. January 7 zingah MFA Grassroots naupangte hun an hmanpui ang a, January 7 chawhnuah Mizoram an chhuahsan ang.