German team mikhual tura MFA Inbuatsaihna

05th January 2016, 09:01PM

January 6 tlai dar 3:30-ah Mizoram XI leh German Students National Football Team Lammualah an inkhel ang.

1. Naktuk January 5-ah heng hmunah te hian ticket zawrh a ni leh ang - Chanmari Kawn, Millennium Centre kawt, Treasury Square, Sikulpuikawn. Ticket hi a chanve aia tam hralh tawh a ni.

2.Lammual tlang leh chair-te Rs 500/- a ni ang. Rs 200 man ticket a awm ang a, hei hi chuan Lammual hmun dang zawng a huam ang.

3. Mi 200 tan chiah Rs 2,000 man ticket siam a ni a, anni hi thutna tha bik pek an ni ang a, ei leh in tur pek an ni ang a, hei bakah hian zanah German team-te nen Musical Night & Dinner buatsaihah an kal thei bawk ang. Rs 2000 man hi MFA Office ah a lei theih.

4. Gate hi dar 1:00-ah hawn ni ang a. Dar 1:30 atangin entertainment programme tan a ni ang. Vanlalhlana, Sangtei Khuptong, TBC Zaithanpuia leh Grace Lalchhanhimi-te an zai ang. Gate hi kickoff hma minute 30 la awm dar 3:00-ah khar a ni ang. Mipui inkhel en tum chu a hma thei ang bera lut tura ngen an ni.

5. Lammual chhungah eng thil mah ken luh phal a ni lo ang a, a chhungah ei leh in tur zawrh a ni thung ang. Ei leh in zuartu tur bik ruat an ni ang.

6. German Students National Football Team hi January 5-ah an lo thleng ang a, January 6 zing lamah hnuchham enkawlna hmun an tlawh ang a, tlaiah inkhelin zanah an pualin musical night & dinner buatsaih a ni ang. January 7 zingah MFA Grassroots naupangte hun an hmanpui ang a, January 7 chawhnuah Mizoram an chhuahsan ang.

Issued by Information and Publicity Committee, MFA

(adsbygoogle = window.adsbygoogle || []).push({});

Copyright © inkhel.com 2024. All rights reserved.