16 Dec 2015 06:05

PC Lala

inkhel correspondent and photographer

German National Student Football Team an lo zin dawn

German National Student Football Team chu January 5, 2016 hian Aizawlah an lo zin dawn a, January 6-ah Mizoram team nen Lammualah football an khel ang.

Mizoram Football Association leh Germany Football Federation (DFB) chu an indawr fel tawh a, DFB hian confirmation letter pawh MFA Secretary hnenah an thawn tawh a ni. Germany atanga lo kal turte hi Germany University footballer tha thlan khawm an ni a, professional footballer tho niin University zirlai an la nih vanga he team-a khel tur an ni a, Germany-a club hrang hranga khelte an ni. 

A tirtu hi Germany Football thuneitu sang ber DFB an ni a, hei vang hian zirlai zinga Germany aiawh team an ni. Mizoram team hi MFA lam chuan kun 2016-a Santosh Trophy khel tur team-ah a ring nghal dawn a ni. German National Student Football team hian Aizawlah Grassroots football centre tlawhin hun an hmanpui nghal dawn a, midangte tana rhil tha tihna hun (social work) an an tum. MFA chuan German mikhualte pual hian January ni 6 zanah 'musical event' lian tham tak siam tum a ni bawk. Inbuatsaihna kalpui mek a ni a, he inkhel chhinchhiahtlak tak ni tur hi en turin MFA chuan Mizoram mipui zawng zawng a sawm a ni.