13 Jul 2015 07:08

Inkhel

Mizo Sports Website hmasa ber

​German MotoGP-ah Marquez pakhatna

Sachsenring tlan kawngah champion lai Marc Marquez chu pakhatna niin German Moto GP-ah hian kum 6 chhungin vawi 6 ngawt pakhatna a ni ta a, Marquez hi a fal hle a, a team-mate Dani Pedrosa chu pahnihna niin, Championship-a hmahruaitu Velentino Rossi chuan podium a chang leh hram a ni.

Tun season-ah Marquez a che fuh hleithei lova, April thlaa Austin-a pakhatna a nih hnua a vawi khat pakhatna nih lehna a ni chauh mai. Pole atangin Marc Marquez hian bul tan mahse kual khatnaah Yamaha rider Lorenzo chuan a tlanpel a, hma a hruai deuh ngat ngat, mahse Marquez-a tlankawng ngainat a ni tlat mai, Marquez hian Lorenzo chu rawn pel lehin, hma a hruai ta char char a.

Fal takin hma a hruai a, Rossi chu pahnihna a ni dawn emaw tih laiin Honda an chungnung zawk tlat, a ban zai a nih avanga duhthusama fit hleithei lo Pedrosa chuan Rossi chu tlanpelin, pahnihna a ni ta a, Rossi chu pathumna niin, Lorenzo chu palina a ni a, Championship-ah Rossi chuan hma a hruai chhunzawm zel a, Marquez chu pakhatna pawh ni mahse 179 lai hmu tawh Rossi a phak lo hle, palina niin Marquez hian 114 points a nei a, Lorenzo chu pahnihna a la ni mek a, 13 points-in Lorenzo hian a thianpa hi a phak lo mek.

Season chanve a ni ta a, Moto GP chawlh a ni zuai anga, season chawhnu lamah Marquez hi a rawn come back thei angem tih chu zawhna chhan harsa tak a ni. Marquez hi nikum khan intlansiak 18 atangin 13 ah pakhatna a ni a, kuminah erawh a bike duhthusam loh vangin a che fuh hleithei lova, Rossi chu point 65 in a thlau mek a ni.

August ni 9, 2015-ah Red Bull Indianapolis GP-ah season chawhnu bul an tan leh dawn a, tunah hian vawi 9 intlansiak an nei tawh a, vawi 9 an la hmabak a ni.

German Grand Prix results:

1. Marc Marquez (Spain) Honda 41:01.087

2. Dani Pedrosa (Spain) Honda 41:03.313

3. Valentino Rossi (Italy) Yamaha 41:06.695

4. Jorge Lorenzo (Spain) Yamaha 41:11.015

5. Andrea Iannone (Italy) Ducati 41:21.872

6. Bradley Smith (Britain) Yamaha 41:24.302

7. Cal Crutchlow (Britain) Honda 41:30.968

8. Pol Espargaro (Spain) Yamaha 41:36.040

9. Danilo Petrucci (Italy) Ducati 41:36.962

10. Aleix Espargaro (Spain) Suzuki 41:38.340

11. Maverick Vinales (Spain) Suzuki 41:38.361

12. Yonny Hernandez (Colombia) Ducati 41:43.168

13. Hector Barbera (Spain) Ducati 41:49.698

14. Alvaro Bautista (Spain) Aprilia 41:51.774

15. Jack Miller (Australia) Honda 41:54.856

MotoGP standings (Intlansiak 18 atangin a chanve an tlan tawh)

1. Valentino Rossi (Italy) Yamaha 179

2. Jorge Lorenzo (Spain) Yamaha 166

3. Andrea Iannone (Italy) Ducati 118

4. Marc Marquez (Spain) Honda 114

5. Andrea Dovizioso (Italy) Ducati 87

6. Bradley Smith (Britain) Yamaha 87

7. Dani Pedrosa (Spain) Honda 67

8. Cal Crutchlow (Britain) Honda 66

9. Pol Espargaro (Spain) Yamaha 64

10. Maverick Vinales (Spain) Suzuki 57

11. Danilo Petrucci (Italy) Ducati 51

12. Aleix Espargaro (Spain) Suzuki 44

13. Yonny Hernandez (Colombia) Ducati 32

14. Scott Redding (Britain) Honda 30

15. Hector Barbera (Spain) Ducati 19

photo credit : motogp.cpm