FIFA president atan Sepp Blatter tlin nawn vanga lungawilohna chuan zia lam a pan thei rih lo va, Russia-in a thlen tur 2018 World Cup tihbuai (boycott) mai hnial lo pawh an awm.

Football Association (FA) chairman Greg Dyke chuan UEFA-in engpawh ti se an thlawp tur thu a sawi tawh a, German Football Association pawhin thu an nei tawh a World Cup boycott tumna a awm chuan thlawp an tum lo tih an sawi.

German FA chief Wolfgang Niersbach chuan, "Boycott hi zawm kan duh lo va, boycott hian engmah a ti danglam dawn chuang lo." tiin FIFA palaite inhmuhkhawmnaah tunkar khan a sawi.

Kum 79 mi Sepp Blatter hi kar liamta khan a tum nga nan FIFA President ni turin a tling a, an inthlan hma deuh hian US Justice Department chuan eiruk thubuai vangin FIFA official pasarih an man.