Pathianni zing khan San Jose, California, USA-ah Bellator 206 neih a ni a, main event-ah Gegard Mousasi leh Rory MacDonald an inbei a, middleweight champion lai Mousasi-a chuan Bellator welterweight champion nilai MacDonald-a lakah harsatna lian a tawk lova, second round-ah T.K.O-in a hneh. Bellator Welterweight Champion Rory MacDonald-a hian two division weight champion nih a tumna chu a hlen chhuak zo ta lo a ni.

Mousasi-a hian first round-ah pawh a jab a hmang tangkai a, Rory-a hian Mousasi kuttum a dawng zing hle. Second round-ah welterweight champion Rory-a hian paih thluk ngei a tum a, nimahsela Mousasi a lo inveng thiam nasa a, bawhbet zui nghalin elbow leh punch hmangin a khawih zui mawlh mawlh a, Rory-a hian thawh leh ngei a tum nasa tih a hriat a, palian zawk leh tawnhriat ngah zawk lakah erawh technical knockout-in a tlawm ta thung.

Co-main event-ah veteran pahnih Rampage Jackson leh Wanderlai Silva an inbei bawka, an inbeih chhung hian mipui lam thawm a ring tha a, an invai buan buan leh thin nen, mipui lam thawm a tiring zual hle. Round 2 naah Jackson-a chuan chiang zetin a hnek thlu a, khawih zui nghalin referee a inrawlh nghal a, chak zawkah Jackson puan a ni zui ta bawk. Heti hian fighter pahnihte hi vawi 4 an intum tawha, vawi 2 ve ve an chak a ni.

Bellator Welterweight Grand prix tournament hmasa berah Douglas Lima leh Andrey Koreshkov an inbei bawka, 5th round-ah submission-in Lima a chak bawk. Heti hian Doughlas Lima-a hian semi final a lut ta chiah a, championship tournament-a a chak ber hi Bellator Grand prix tournament champion an ni dawn a, 1 million dollar an dawng dawn a ni.

Aaron Pico leh Leandro Higo an intum bawka, first round technical knockout-in Pico a chak. Keri Melendez-a chuan Dakota Zimmerman lakah split decision-in a chak bawka, main card hmasa berah Gaston Bolanos leh Ysidro Gutierrez inbei bawkin; second round TKO-in Bolanos a chak bawk a ni.

Fight card:

Middleweight

Gegard Mousasi def. Rory MacDonald via second-round TKO (3:23)

Heavyweight

Rampage Jackson def. Wanderlei Silva via second-round TKO (4:32) (live blog)

Welterweight

Douglas Lima def. Andrey Koreshkov via sub (RNC) (R5, 3:04) (live blog)

Featherweight

Aaron Pico def. Leandro Higo via first-round TKO (3:19)

Women's Strawweight

Keri Melendez def. Dakota Zimmerman via split decision

Featherweight

Gaston Bolanos def. Ysidro Gutierrez via second-round TKO (1:37)