25 Aug 2015 10:20

Asanga Tlau

Garay chungchangah Chelsea leh Zenit inbe tan

Tunlai football khawvela defender tha ber pawla sawi Argentine centre back Ezequiel Garay chungchangah Chelsea boss Mourinho leh Zenit St. Petersburg mi leh sa te chuan inbiakna an tan niin Italian journalist zah kai tak Gianluca Di Marzio chuan a sawi.

Kum 28 a upa Garay hian season hmasa khan €15m in Benfica atangin Russian champions hi a zawm a ni.

Kum 2008 khan Garay hi Real Madrid chuan Santander atangin an lo seng lut ve tawha, beisei a phak loh em avangin Benfica lamah 2011 khan chhuakin Benfica ah erawh a che tha hle thung.

Premier League a an match hmasa pathumah te goal riat lawih an chhuah tak avangin mimal takin Mourinho hian Garay lak a duh thu thuneitute lamah a thlen niin sawi a ni a, tun dinhmunah Chelsea hian centre-back atan John Terry, Gary Cahill leh Kurt Zouma te an chhawr thei meka, Ivanovic pawh tul thilah chuan pawh chawp theih reng a ni bawk.

Everton star John Stones lakah Chelsea hian an beiseina an ti tawp ta mai em ni niang le?