UFC lightweight fighter Tony Ferguson chuan nikum-a a fight pahniha a tlawm kha amah leh a chhungkaw tana thil tha ber a nih thu a sawi.

Ferguson hi a fight hnuhnung pahnihah a tlawm meka, nikum May thla ni 9 khan UFC 249-ah Justin Gaethje a hneh lova, December thla ni 12-ah UFC 256-ah Charles Oliveira a hneh lo leh bawk.

Ferguson hi a zawna vawi 12 a chak hnuaha, a zawnin vawi hnih a tlawm ve leh ta a, Gaethje a hneh loh hma hian kum 2013 October thla atang khan a la chak char char.

Submission Radio-in an kawmnaah Ferguson chuan nikuma a fight pahnih neiha a tlawm chu a thatpui thu sawiin, “Nikuma thil thleng kha ka coach emaw thil dang vang a ni lo. Mawhphurhna zawng zawng ka la takzet zeta, tlang taka sawi chuan vawi hnih ka tlawm kha, ka tana inzirna tha ber a ni a, kei leh ka chhungte chunga thil thleng tha ber a ni a, ka thatpui hle.

“Khabib hmachhawn tumin ka um a, mahse a tlawlha, interim tih vel hlawhchhuak turin midang ka hmachhawn leh thin. He game kalphung a ni miaua, vui thei kan ni lo, mahse fight kan hmachhawn dan erawh kan mawh liau liau a ni thung. Kuminah pawh chu ngei chu ka ti a, ka fight hmachhawn dan ka thlak hlawk a ni,” a ti.

Ferguson hi kumin May thla ni 15 hian, UFC 262-ah Beneil Dariush hmachhawn tura beisei a ni.