Arsenal defender Gabriel chuan kum 2029 thleng daih contract thar Emirates Stadium-ah a ziak.

A contract neih hmasa zawk kha kum 2027-a zo tawh tur a ni a, club lian tam takin ngaihven mah se, Gabriel chuan Arsenal tana khelh chhunzawm zel a thlang ta a ni.

"He hmunah hian naupang tein ka lut a, kum 5 dawn hun ka hmang ta, ka hlim a, thil tam tak ka zir bawk.

"Ka khelh dan leh ka hun tawnah hian ka inchhuang em em. Zin kawng ropui tak ka zawh a, hetah hian chu chu chhunzawm zel ka duh a ni.

"He club tan hian trophy hlawhchhuah ka duh a, a chhan chu he club hi ka hmangaih a, ka chhungte pawhin an hmangaih a ni.

"Arsenal hi club ropui tak a ni, contract thar ka ziak thei pawh hi ka inchhuang hle. He club hi ka hmangaih a, ka team-mate leh supporter te pawh ka hmangaih a, he stadium hi ka hmangaih a, ka inchhuang a, min support-naah ka lawm a, hun kan hmang ho chho zel dawn nia," tiin Gabriel chuan a sawi.

Season liamta khan Gabriel hian Arsenal tan game 42 a khel a, hamstring hliam avangin April thla khan zai a tawk a, a chawl chho ta rih a ni.

Kum 27 mi hian Arsenal tan game 210 a khel tawh a, goal 20 a khung ve tawh bawk.