27 Nov 2019 11:31

bakteaJr.

Mizo tlangval

​Fury vs Wilder 2: A hun a chiang ta

Boxing khawvel mai nilo combat sports khawvelin a nghahhlelh em em leh a ngaihven em em Tyson Fury leh Deontay Wilder-te rematch chu kan hmu ngei dawn ta a, hun eng emaw chen hnuah a hun pawh tih chian a ni ta.

Fury leh Wilder-te inhnek leh hun tur hi nakkum 2020 February thla ni 22-ah a ni a, a hmun tur erawh la chiang lo mahse Las Vegas-ah MGM Grand Garden Arena-ah a nih ngei a rinawm.

Chanchinthar lakhawmtu te tarlan danin he rematch nghahhelhawm tak hi tihfel a nihna a rei tawha, mahse Wilder-a’n tun Sunday liamtaa Luis Ortiz a hneh hnu ah official-a puanzar a ni ta chauh.

Fury leh Wilder-te hi nikum December thla khan an lo inhnek tawha, chak zawk awm lovin an inhnehtawk. Hemi tum hian mi tam zawk chuan Fury hi chak zawkah an ngaia, draw-a puan a ni ta mai chuan mi tam tak a ti hrilhhaia, nakkumah chiang zawkin chak zawk an awm tawh ngei tura beisei a ni.

Tunlai heavyweight boxer tha ber pahnih Fury leh Wilder inhnek tur hian ngaihven a hlawh hle a, an pahnih hian an career-ah hneh loh la tawng lo ve ve in, anni pahnih tluk hi tunlai heavyweight boxer zingah an awm meuh lo.