27 Feb 2019 02:25

inkhel

​Fury leh Wilder an inhnek leh nghal dawn lo

WBC president Mauricio Sulaiman chuan Tyson Fury leh Deontay Wilder-te chuan rematch an neih nghal dawn loh thu a sawi a, Fury chuan Wilder a hmachhawn hmain midang a hmachhawn phawt tur thu a sawi bawk.

Fury leh Wilder-te hi nikum December thla khan an lo inhnek tawha, chak zawk an awm lo. Inhnek leh nghal tura tih ni mahse rokhawlhna hrang hrang avangin boxer hnihte an inhmachhawn nghal mai thei dawn lova, Fury hian midang a hmachhawn tur hi hriat a la nilo.

WBC champion Wilder hian rematch neih duh ve bawk mahse an rematch hun tur hi sawn hlat leh phawt a ngai dawn.

Kar liamta khan Fury hian US promoter lar Top Rank chu inremna a ziahpuia, Wilder nena an rematch tur chu tihfel thuai a duh thu sawi mahse tum angin thil a awm thei lova, boxing naginatu ten Wilder vs Fury II chu an nghah leh rih a ngai dawn.

An fight hmasaah Fury hi chak zawk ni ngeiin lang mahse draw-a puan a ni a, hemi avang hian mipuiin rematch hi an hmuh chak phah zual hle.