​Fury Boxing license tihtawp a ni dawn?

12th October 2016, 11:10PM

Tyson Fury chuan cocaine a hmang thin tih hriatchhuah a ni a, Fury ngei pawhin rilru lama harsatna a neih enkawl nan cocaine a hmang thin a sawi. British Boxing Board of Control chuan Fury boxing license tihtawp sak tur a ni em? tih an ngaihtuah dawn a ni.

Kum 28-a upa Fury license hi engtia rei nge tihtawpsak a nih dawn hriat a ni lo a, Fury hian boxing a chawlsan hrih mai a ngai ang. A title kawllai WBA leh WBO heavyweight title pawh chhuhsak a nih nghal a rinawm hle. Fury hian Wladimir Klitscho nen an inhnek hun tur tum hnih ngawt a thulh tawh a, Klitscho tan midang inhnekpui tur a zawn mai a ngai dawn a ni.

Khawthlang chanchinbute chuan IBF title kawllai British boxer Anthony Joshua leh Klitscho-te inhnek tur angin an ziak leh tan tawh a. Heavyweight champion pawh lo ni tawh David Haye chuan Twitter lamah Joshua leh Klitscho-te inhnek tur thu tihfel a ni tawh tiin a post ve bawk. 

Copyright © inkhel.com 2024. All rights reserved.