Fulham manager Marco Silva chuan Fulham-ah kum 3 daih contract a ziak a, tuna  a contract hmang zo tur hian thla 18 chiah hun a nei tawh. 

Club-in hma an sawnpui em avanga lawmman ni pah fawmin rei tak daih contract sawi hmuh an tum niin 90min chuan a tarlang.

Everton, Watford leh Hull-a tha takah hna a lo thawh tawh hnuah Silva chuan Championship title nei thei turin Fulham chu ke a pen pui. Premier League lamah pawh rawn che tha hlein, ropui takin Chelsea an hneh a, top 6-ah an lang vang mai.

An tlakchhiatna ata Fulham chu an intungding chho mek a, season hmasa chhung zawnga an point hmuh zawng zawng ai pawhin tun season-a game 19 an khelh tawha an point khawlkhawm zat hi a tam tawh zawk a ni. 

Silva-a'nhma a sawnpui zia an hmuh hian, a laka lawmthu sawi nan leh a lawmman atan contract thar rei deuh zawk Fulham chuan ziahpui an duh niin 90min chuan a tarlang.

A rei leh rei loh lam ai mahin contract thar ziahpui hrim hrim chu an tihmakmawh niin Fulham chuan an hria a, kum 45 mi hian result tha tak neihpui zel theih nan contract thar hi a pawm ngei an beisei hle bawk a ni.