04 Jun 2015 07:08

Serchhip Chelsea

French Open: Semi-final-ah Serena leh Bacsinszky.

French Open khelh mekah Serena Williams leh Timea Bacsinszky chuan Ivanovic leh Safarova-te hnungzuiin semi-final an lut.

Serena hian semi-final lut turin Italian star Sara Errani chu 6-1 6-3 in a hneh a, Bacsinszky hian 6-4 7-5 in Alison van Uytvanck a hneh ve bawk.

Errani hian kum 33 mi Serena hi engkimah a pha lo va, set hmasa ber lak nan Serena hian minute 27 chiah a mamawh a minute 65 chhungin an inkhel zo hman.

Kum 25 mi Timea Bacsinszky thung hi chuan inkhel a thunun lutuk lo va, mahse hnehna a chang tho va a vawikhat nan Grand Slam semi-final a lut.

Semi-final-ah hemite pahnih hi an in tum nghal dawn a, lehlamah Ana Ivanovic leh Lucie Sfarova-te'n final luh an inchuh ve dawn bawk a ni.