04 Jun 2019 09:06

inkhel

French Open semi final-ah Johanna Konta

Johanna Konta chuan Sloane Stephens chu hnehin a vawi khatna atan French Open semi final a lut.

Konta hi Roland Garros-ah a che tha ngai lo hle a, he tournament-ah hian a hmain vawi li a lo tel tawh a, chak hmel a la hmu miah lo a. Kuminah erawh a thlen ngai loh ram a dai chho a, nikum lama French Open-a pahnihna ni thei Sloane Stephens chu 6-1, 6-4 a hnehin semi final hi a lut thei tlat a ni.

Kumin chhungin Stephens leh Konta hi vawi thum an inhmachhawn tawh a, hengah hian Konta hi a la chak vek a. 26th seed Konta hian 2017 US Open champion zinkawng chu a titawp a, grand slam title pahnih lak a tumna chu a lo dang a ni.

Court Philippe-Chatrier ah hian Konta chuan chet fuh loh a nei tam lo hle a, a chak takah chuan kum 36 chhunga British hmeichhe zinga Roland Garros semi final lut thei hmasa ber niin, hetiang thleng thei hnuhnung ber chu Jo Durie a ni a, 1983 khan French Open semi final hi a thleng a ni.

Kum 28-a upa Johanna Konta hi tournament lian thamah semi final a thlen vawi thumna niin, tun tum bakah hian 2016 Australian Open leh 2017 Wimbledon ah te semi final a lo lut tawh bawk a ni.

Johanna Konta chuan, “Chatrier court thara a vawi khatna atana inkhelh chu a nuam dangdai khawp mai a, khawvela player tha ber berte nena inkhelh phei chu a nuam lehzual,” tiin a sawi.

Semi final-ah hian Johanna Konta chuan Czech tleirawl Marketa Vondrousova leh Croatian 31st seed Petra Martic te inkhela chak zawk a hmachhawn ang.

STATISTICAL BREAKDOWN
Johanna Konta [26] bt Sloane Stephens [7] 6-1 6-4

WINNERS/UNFORCED ERRORS
Konta - 25/13
Stephens - 12/14

ACES/DOUBLE FAULTS
Konta - 6/2
Stephens - 1/1

BREAK POINTS WON
Konta - 3/7
Stephens - 0/1

FIRST SERVE PERCENTAGE
Konta - 70
Stephens - 75

PERCENTAGE OF POINTS WON ON FIRST/SECOND SERVE
Konta - 86/50
Stephens - 66/33

TOTAL POINTS
Konta - 61
Stephens - 41