Dominic Thiem chuan a khingpui Alexander Zverev chu a hneh a, a zawnin French Open semi final chu vawi thum a thleng ta.
Austrian 7th seed Thiem hian Zverev chu 6-4, 6-2, 6-1 in a hneh a, semi final-ah hian 2016 French Open champion leh title lian 12 nei tawh Novak Djokovic emaw, Italian star, world no. 72 Marco Cecchinato emaw a hmachhawn ang.
German 2nd seed Alexander Zverev chu a che thei lo hle a, quarter final lut turin set nga ngawt a duh a, hei hi a tuar ta niin a lang a. Thiem nen an inkhelah hian a hah hma em em mai a, a hmaa a khelh hah a tuar ta a ni ber mai.
Thiem chuan, “He tournament chhunga player fit ber pawl a ni a, mahse vawiin kha a tan chuan hun khirh a ni a. A zawna vawi thum ngawt mai semi final ka thleng thei hi lawmawm ka ti hle a, a aia sang zawk thlen zel ka tum a ni,” a ti.
Kum 24-a upa Thiem hi kumin chhunga clay court-a vawi 10 ngawt French Open champion lo ni tawh Rafael Nadal hneh theitu awmchhun a ni.