French Open khelh mekah top seed Simona Halep chuan set a hloh zet hnuah a khingpui a lehthal a, second round a lut.

Romanian star Halep hi American Alison Riske nen an inkhel a, Court Philippe Chatrier-ah set hmasa ber an khel a, Alison chuan game hmasa panga a la nghal a. Heti chung hian Simona Halep chu a chi-ai lem lo hle a, game rukna chu la ve mahse American star hian set khatna chu 6-2 in a la a.

83rd rank Riske leh vawi hnih Roland Garros finalist lo ni tawh Halep te hi a hma pawhin an lo intawng tawh a, claycourt-ah Riske hian game thum chauh a lo la ve a ni.

Halep chu a insiamtha a, set hnihna atangin a khel tha tawh hle a, 6-1 in a chak a. Set thumnaah pawh Simona Halep hi 6-1 bawkin a chak leh a, second round a lut ta a ni.

Simona Halep hian a vawi khatna atan Grand Slam title lak ngei a tum hle a, hetiang puitlin tur chuan a kalkawng a la thui rih hle a, second round-ah American wildcard Taylor Townsend chu a hmachhawn leh dawn a ni.