04 Jun 2015 05:58

Serchhip Chelsea

French Open: Nadal daltu Djokovic.

French Open khelh mekah Rafael Nadal chuan quarter-final a paltlang zo lo va, Novak Djokovic lakah a tlawm.

Serbian star Djokovic hi 7-5 6-3 6-1 in a chak a, French Open-ah bik hian straight set-a Nadal hneh theih pahnihna a ni.

He intihsiaknaa vawikua lai champion tawh Nadal hian Djokovic hi a ngam mang lo va, Roland Garros-ah hian game 72 a khel tawha vawihnih chiah chakloh ala nei a tun ami hi kum ruk hnua a tlawm lehna hmasa ber a ni bawk.

Kum 29 mi Nadal hian kum 2006 khan fourth round-ah Robin Soderling a hneh lo tawh a, hemi hnu hian hnehloh a tawng zui lo va tunah Djokovic lakah a tlawm ta a ni.