09 Oct 2020 10:05

bakteaJr.

Mizo tlangval

​French Open final-ah Nadal

‘King of Clay’ Rafael Nadal chuan French Open semi-final ah a tumpui Diego Schwartzman chu awlsam takin a hneha, final khel turin a invaw tling.

Second seed Nadal hian 12th seed Schwartzman hi 6-3, 6-3, 7-6 (7-0) in a hneha, a vawi 13 nan Roland Garros final a lut.

Nadal hi French Open-a champion hnem ber niin, a vawi 13 nana champion na hun a nei tha hle a, final-ah Novak Djokovic emaw Stefanos Tsitsipas emaw a hmachhawn dawna, a champion a nih chuan, Grand Slam lak hnem lamah Roger Federer a tluk chiah dawn.

Kum 34 mi Nadal hi Roland Garros-ah hian a career pumpuiah vawi hnih chiah a la tlawma, semi-final a khelh tawh zawng zawngah a la chak fai vek.

Semi-final a hnehna a chan zawhah Nadal chuan, “A tawp thlengin Diego hmachhawn hi chu a har ziaha, ka khelh danah ka lung a awia, hma ka sawnin ka hria a, ka tan match duhawm tak niin ka hria,” a ti.