03 Jun 2015 07:01

Serchhip Chelsea

French Open: Federer a tla!

French Open khelh mekah kum 2009-a champion Roger Federer chuan quarter-final a paltlang zo lo va, a hnampui Stanislas Wawrinka a hneh lo.

Wawrinka hian 6-4 6-3 7-6 (7-4) in Federer hi a hneh a, a vawikhat nan French Open semi-final a lut.

Kum 30 mi Wawrinka hian semi-final-ah Jo-Wilfried Tsonga a hmachhawn ang.

France mipuite tan em em Tsonga hian semi-final lut turin Kei Nishikori chu 6-1 6-4 4-6 3-6 6-3 in a hneh a, inkhel hmuhnawm tak a ni.

Kum 2014 Australian Open champion Wawrinka chuan, "Vawiin hi clay court-a ka khelhthat ber tum a ni a, ka tan chuan hun nuam tak a ni. Tha takin ka che chhuak a Paris-ah a vawikhat nan semi-final ka lut hi ka lawm hle." tiin a sawi.