08 Jun 2015 07:08

Serchhip Chelsea

French Open: Djokovic ngam loh Wawrinka a champion.

Stanislas Wawrinka chuan French Open final-ah Novak Djokovic a hneh a, a vawikhat nan Roland Garros-ah a champion.

Swiss star hian 4-6 6-4 6-3 6-4 in Serbian chhuanvawr hi a hneh a, Grand Slam title a lak vawihnihna a ni.

Kum 30 mi Wawrinka hian game 28 chhung chak zawn tawh Djokovic hi a chelh ding ta a, khawvel mipui tam zawkin chak tura an rin a tlawm.

Kum 28 mi Djokovic hian final lut turin a kalkawngah Rafael Nadal leh Andy Murray-te a paltlang a, mahse final-ah a hlawhtling zo ta lo a ni.

An inkhelh zawh hnuin Wawrinka chuan, "Court chhung boruak kha a ropui a khatiang kha ka la tawng ngailo. Ka coach Magnus Norman hnenah lawmthu sawi ka duh, final-ah ilo vanduai tawh a mahse tun ami hi i tan leh ka tan a ni." tiin a sawi.

Wawrinka hi Roger Federer hnua Swiss mi French Open-a champion leh thei awmchhun a ni a, a hnampuipa hi quarter-final-ah a vawthla nghe nghe.

Final-a chak zo ta lo Djokovic hian French Open final-ah hnehloh a tawn vawithumna a ni ve bawk.