10 Oct 2020 09:12

bakteaJr.

Mizo tlangval

​French Open champion world no.54 Swiatek

Hmeichhe lam French Open khelh zawh fel a ni a, Women’s Singles final-ah world no.54 Iga Swiatek chuan Sofia Kenin hnehin a champion.

Kum 19 mi Swiatek hian Kenin hi straight sets-in a hneha, 6-4, 6-1 a chakin, hmeichhe zinga French Open-a champion thei rank hniam ber a ni.

Swiatek hi Junior Wimbledon champion hlui a ni a, tun French Open chhung zawng hian set vawi khat mah hloh lovin a champion.

Polish mi Grand Slam singles title la thei hmasa ber Swiatek chuan a champion zawhin, “Eng nge thleng pawh ka la hre mumal lo, ka hlim em em a ni. A mak hle a, kum hnih liamta mai khan junior Grand Slam-ah ka champion a, tunah heti ti hi a ni der. Hun a kal chak hle a, ka lawm zia sawi chhuah thiam chi pawh a ni lo,” a ti.

Swiatek hi kum 1992-a Monica Seles-i’n French Open title a lak hnua, he title la leh thei naupang ber a ni.