Ashleigh Barty chuan French Open hmeichhe singles final-ah Marketa Vondrousova chu hnehin, a vawi khatna atan Grand Slam singles title a la.
Australian tennis player Ashleigh Barty hian Jo Konta pawh hneh thei, Marketa Vondrousova chu straight set-in a hneh a, Grand Slam title a lak hmasak ber niin, ranking thar berah chuan Vondrousova hi World No. 2 a ni thei dawn a. Barty hi Australian zingah chuan 2011 US Open-a Sam Stosur champion hnua Grand Slam singles title la leh thei hmasa ber a ni.
Kum 23-a upa Queenslander star Barty hi final-ah hian 6-1, 6-3 in a chak a, Paris khawpuia chak ta lo zawk Marketa Vondrousova chu World No. 16 a ni ang a. Barty chu 1973-a Margaret Court hnua Roland Garros-a Australian zinga champion leh thei hmasa ber a ni.
Barty chuan, “Awihawm loh tak hi a ni. Sawi tur pawh ka hre lo. Ka la hamhaih tlat a, ngai ka la awh thei mai lo a. Vawiin kha chu ka khel tha em em a, duhthusamin ka khel a ni ber mai,” a ti.
Zirtawpniah khan pahnihna ni ta Vondrousova chuan semi final-ah British No. 1 Jo Konta a hmachhawn a, a khel tha khawp mai a. Final-ah hian Czech star, kum 19-a upa chu a che hleithei tlat lo a, Court Philippe-Chatrier ah chuan tihsual a ngah em em mai a ni.
Ashleigh Barty hian nikumah khan Grand Slam title chu a lo la tawh a, mahse doubles-ah a ni thung a. A tanpui American tennis player CoCo Vandeweghe nen US Open-ah an champion a ni.
Kum thum chauh kaltaah khan Barty chuan tennis racket ni loin cricket bat a nei a. Tennis khelh chu a chawlhsan lailawk a, hemi chhung hian Women’s Big Bash-ah telin Brisbane Heat team-ah a tel a, a hlawhtling phian nghe nghe a. Cricket lampang a tih ve hnu hian tennis khawvelah a kir leh a, tun hnaiah chuan hmeichhe player zinga duhawm ber pawl a ni.
Final-ah hian Barty chu a tir atangin a che tha nghal hle a, set hmasaah pawh 4-0 in hma a hruai nghal vat a. Ipswich, Queensland a cheng Barty hian semi final-ah Amanda Anisimova nen an inkhelh tumin 5-0 in hma a hruai zet a, a inpawhthlaktir a, khatiang kha final-ah hi chuan thlentir a tum tawh lo hle.
An inkhel chho zel a, Barty hi a che fuh tluang bawk a, a tawpah chuan 6-1, 6-3 in a chak thei ta a ni.