22 May 2015 06:41

digimalt

​French Open 2015 tan a ni dawn ta

French Open vawi 114 na chu May ni 24, 2015 (Pathianni) hian Paris-ah tan a ni anga, June ni 7, 2015-ah zawh fel a ni ang.

He tournament hi International Tennis Federation (ITF) buatsaih niin Grand Slam Tournament lian ber pakhat a ni a. Clay courts 20 -a game khelh a ni anga, main court hi pathum awmin, Court Philippe Chatrier, Court Suzanne Lenglen leh Court 1 te an ni.

Nikum khan Spanish Rafael Nadal chu champion-in, hmeichhe lamah Maria Sarapova a champion a. Men's doubles-ah Julien Benneteau leh Roger Vasselin te an champion a. Women's doubles-ah Su Wei leh Peng Shuai te an champion a nih kha.

Mipa singles-ah World number one Novak Djokovic chuan top seed hauhvin hmeichhe lamah Serena Williams chu top seed a ni a. Wild cards hmangin men's singles-ah 8 an lut a, heng zingah hian French tennis player 6 lai an lut a ni. Hmeichhe lamah pawh Wildcard hmangin pariat an lut a, heng zinga pasarih te chu French an ni.

Kumin hian Grand Slam tournament hrang hranga lawmman nasa takin a pung hlawm a. French Open-ah pawh nasa taka tihpun niin, singles champion te chuan nikum khan 150,000 euros an hlawh a, kuminah erawh 1.8m euros (£1.29m) lai an hlawh dawn ta a ni.