Garena Free Fire chuan 2019 chu hlawhtling takin an hmang zo a, kuminah tournament lian tham an buatsaih tur thu an puang nghal a, he inelna lianah hian lawmman pawh Rs. 35,00,000 zet a awm dawn a ni.

Free Fire Indian Championship 2020 chu kumin bul tanna atan an buatsaih dawn a, he inelnaah hian chhawng thum a awm dawn a. Qualifier Stage (online round) a awm ang a, heta che tha zual, top 24 team te chu League Stage-ah an kai chho ang.

League Stage hi offline round a ni ang a, hetah hian a tling team 24 te chu group 4 an an inthen dawn a, group khatah hian team 6 zel an awm dawn a. League Stage-a che tha zual team 12 te chu Finals khel turin an tling ve leh dawn a, Finals hi offline round a ni leh dawn a ni.

Tarlan tawh angin he inelnaah hian lawmman Rs. 35 lakhs ngawt mai a awm dawn a, champion team chuan Rs. 15 lakhs an dawng ang a, pahnihna team chuan Rs. 6 lakhs an dawng dawn bawk a. Pathumna team te chuan Rs. 3 lakhs an dawng ang a, palina team te chuan Rs. 1.5 lakhs an dawng dawn bawk a ni.

A hnuaia tarlan ang hian lawmman an dawng dawn a ni:
Champions: Rs. 15,00,000
Runner ups: Rs. 6,00,000
3rd place finish: Rs. 3,00,000
4th place finish: Rs. 1,50,000
5th-7th place finish: Rs. 1,00,000
8th-9th place finish: Rs. 70,000
10th-12th place finish: Rs. 50,000
13th-24th place finish: Rs. 30,000

Garena hian Free Fire Indian Championship 2020 hi engtikah nge an tih dawn tih te, khawi hmunah nge an tih dawn tih te chu an la puangzar chiah lo a, an puang vat tura ngaih a ni a. Tunah hian anmahni website-ah a tel duh tan registration a tih theih tawh a ni.