12 Jun 2020 09:52

bakteaJr.

Mizo tlangval

​Formula One: Race pathum an cancel belh

Formula One chuan kumina race an neih tur zinga pathum chu coronavirus avangin an cancel thu an puang ve leh ta.

Race pathum cancel thar te hi Japanese Grand Prix, Singapore Grand Prix leh Azerbaijan Grand Prix-te an ni a, F1 lam hian heng race pathum te neih hram dan ngaihtuah mahse tih ngaihna a awm ngang lova, Zirtawpni khan an cancel thu an puang.

F1 hian race pawimawh pathum dang an chan belh leh ta a, a hma in season bul tanna tur Australian Grand Prix leh Monaco Grand Prix-te pawh cancel an lo ni tawh.

F1 lam hian season puitling kalpui an la tum hle a, mahse season hi World Championship-a chhiar a nih dawn chuan race 15 vel tal a awm a ngaia, tunah hian race 22 awm turah panga cancel fel a ni tawh.

Tun season lo awm turah race te hi Europe-ah deuh vek an ni dawn a ang chho hle a, race hmasa ber 10 te chu sawn hlat emaw cancel emaw an lo ni tawh hlawm a ni.