Formula 1 chu khawvela infiamna hrang hrang zingah chuan sum tam berna pawl a ni a, driver ho pawhin hlawh an hmu tha thei hle a ni.

World champion Lewis Hamilton hlutna chu $280 million vel bawr niin, vawi li champion tawh Sebastian Vettel hlutna chu $55 million vel bawr niin an sawi bawk a. Australian driver Daniel Ricciardo hlutna chu $20 million vela chhut niin, driver la naupang tak Max Verstappen hlutna pawh F1 a zawm hnuah a sang chak hle a ni.

F1 chuan 2019 atang phei chuan driver te hlawh an pek chu sponsorship behchhanin an tipung dawn an ti lehnghal a. Mercedes driver, vawi 5 ngawt F1 World Champion lo ni tawh Lewis Hamilton chuan Silver Arrows chu 2020 thlenga la awm chilh turin contract a ziak a, kum khatah $40 million atanga $50 million vel chu a hlawh ziah dawn a ni.

2019 season chhunga driver te hlawh tur nia an chhut han tarlang ila.

Alexander Albon (Toro Rosso): F1 rookie Alexander Albon chuan 2019 chhungin Toro Rosso a khalh ang a, €150,000 (Rs. 1,21,62,483.31) vel hlawh tura rin a ni.

George Russell (Williams): British rawlthar George Russell chuan a vawi khatna atan F1 a luhchilh dawn a, Williams car khalhin €160,000 (Rs. 1,29,73,315.53) vel a hlawh ang.

Antonio Giovinazzi (Sauber): Kum 25-a upa Antonio Giovinazzi chu F1 ah a kir leh dawn a, Sauber car khalhin €200,000 (Rs. 1,62,16,644.41) vel a hlawh ang.

Lando Norris (Mclaren): 2019 season atana rookie pathumna Lando Norris chuan McLaren car khalhin bul a tan dawn a, €225,000 (Rs. 1,82,43,724.96) a hlawh ang.

Daniil Kvyat (Toro Rosso): 2019 a F1 lama let leh pahnihna Daniil Kvyat chu Toro Rosso ah a kir leh dawn a, €275,000 (Rs. 2,22,97,886.06) a hlawh dawn a ni.

Robert Kubica (Williams): 2019 a F1 khawvela kir leh tur zinga mi nghahhlelh hlawh ber Robert Kubica chuan Williams car a khalh dawn a, €500,000 (Rs. 4,05,41,611.02) a hlawh ang.

Kevin Magnussen (Haas): Kevin Magnussen chuan Haas car a khalh zel dawn a, €1,000,000 (Rs. 8,10,83,222.05) a hlawh ang.

Lance Stroll (Racing Point): Lance Stroll chuan Force India ni thin, Racing Point car a khalh dawn a, €1,000,000 (Rs. 8,10,83,222.05) a hlawh dawn a ni.

Pierre Gasly (Red Bull): Max Verstappen angin Pierre Gasly chuan Toro Rosso atangin an zawmpui tho Red Bull chu 2019 atangin a zawm dawn a, a hlawh tur hi €1,200,000 (Rs. 9,72,99,866.46) a ni.

Romain Grosjean (Haas): Romain Grosjean chuan 2019 season chhungin nikum lama a teammate Kevin Magnussen khum a tum dawn a, €1,500,000 (Rs. 12,16,24,833.07)a hlawh ang.

Sergio Perez (Racing Point): Sergio Perez chu Racing Point ah a la awm zel dawn a, 2019 chhungin €3,000,000 (Rs. 24,32,49,666.15) a hlawh dawn a ni.

Charles LeClerc (Ferrari): Ferrari mi thar Charles LeClerc chuan kumin chhungin €3,000,000 (Rs. 24,32,49,666.15) a hlawh ang.

Carlos Sainz (McLaren): McLaren chuan 2019 atan team thar an din a, Carlos Sainz chuan Fernando Alonso a thlak ang a, a hlawh tur chu €3,500,000 (Rs. 28,37,91,277.17) a ni ang.

Nico Hulkenberg (Renault): Nico Hulkenberg chuan Renault car a la khalh chhunzawm zel dawn a, 2019 chhunga a hlawh chu €4,000,000 (Rs. 32,43,32,888.2) a ni ang.

Kimi Raikkonen (Sauber): Kimi Raikkonen chuan Ferrari chhuahsanin Sauber a zawm ta a, a hlawh chu €4,000,000 (Rs. 32,43,32,888.2) a ni ang.

Valtteri Bottas (Mercedes): F1 khawvela Kimi Raikkonen anga Finnish driver ve bawk, Valtteri Bottas chu Silver Arrows chuan €7,500,000 (Rs. 60,81,24,165.37) an pe ang.

Max Verstappen (Red Bull): Ricciardo a chhuah tak avangin Max Verstappen chu Red Bull No. 1 a ni tawh dawn a, €12,000,000 (Rs. 97,29,98,664.6) a hlawh ang.

Daniel Ricciardo (Renault): Daniel Ricciardo chu 2019 chhunga F1 driver hlawh san lama pathumna a ni dawn a, €15,000,000 (Rs. 1,21,62,48,330.75) a hlawh dawn a ni.

Sebastian Vettel (Ferrari): F1 driver hlawh sang ber dawttu Sebastian Vettel chuan 2019 chhungin €40,000,000 (Rs. 3,24,33,28,882) zet a hlawh ang.

Lewis Hamilton (Mercedes): Formula One driver hlawh sang ber Lewis Hamilton chuan kumin chhung ringawtin €50,000,000 (Rs. 4,05,41,61,102.5) zet a hlawh dawn a ni.