Formation rawn pian chhoh dan

23rd June 2015, 06:06PM

Football hi an khelh tan tirh chuan formation mumal tak hi a awm ngai lova, ball an pet pawp a an um leh dul dul mai thin a ni.

Kum 1963 khan offside rule hi an siam ta a, FA in offside rule an siamah hian ball chang tu in hma a mi ball a pass hrim hrim chuan offside a ni tawp.

He dan thar avang hian passing game an khel ngai meuh lova, khalh tlang tumin ball an khalh pup pup mai thin a, goal lut pawh a tlem sawt hle. (www.inkhel.com)

FA lamin dan thar an siam leh a, ball changtu in ball a pass in ball lo changtu leh goal line inkarah player pathum tal an awm chuan offside a nilo. Offside dan thar a awm tak avangin formation thar chi hrang hrang pawh a rawn piang ta a ni.

1-2-7 Formation :

Kum 1860-70 inkar khan 1-2-7 formation hi an hmang lar hle a, (www.inkhel.com) centre-back pakhat, halfback pahnih leh forward pasarih awmin attacking game an khel nasa thei rem rem khawp mai.

The Pyramid (2-3-5 formation) :

He formation hi Pyramid formation an ti a, 1880-1925 inkar khan an hmang nasa a, English club Preston North End lamin an rawn hmang lar chho a ni.

He formation hi teamwork a innghat formation hmasaber a ngaih theih a ni a, he formation ah hian right half leh left half te hian lehlam winger te an mark a, key player chu centre half niin lehlam striker te a mark a, defense leh attack thlunzawmtu pawimawh tak a ni.

Kum 1930 khan 2-3-5 tlem a tihdanglam deuh Austria, (www.inkhel.com) Hungary leh Czechoslovakia ah te a lar hle a, ground ball tawi te te in an in pass nasa a, 1934 World Cup ah khan Austria in he formation hmang hian palina an ni thei a ni.

1925 – 1945: W-M formation (3-2-2-3)

He formation hi Arsenal manager Herbert Chapman-a'n kum 1925 khan a rawn hmang lar hle a, offside dan thar an siam leh tak avanga he dan hi rawn hmang a ni.

He formation ah hian Chapman hian lehlam pawl attacking na lutuk tur a tir atanga dan nan defender leh attacker te inzah chiah in a rawn chhawpchhuak a ni.

Arsenal in he formation hi an hmang tangkai hle a, (www.inkhel.com) England a first division a awm tirh khan a zawn in tum 5 lai an champion a, kum 1931-39 khan FA Cup tum hnih an la bawk a, England ah he formation hi a rawn lar leh em em bawk a ni.

1934 & 1938: II Metodo (2-3-2-3) :

2-3-2-3 formation hi kum 1930 chho khan Italian manager Vittorio Pozzo-a'n a rawn hmang lar chho a, he formation ah hian centre back pahnih awm in goal lut tur goalkeeper an ven pui a, centre half ten lehlam pawl striker te an lo chang bawk a, center half hi defense leh attack thlunzawmtu pawimawh em em a ni bawk.

He formation hmang hian kum 1934 ah leh 1938 ah te khan Italy Word Cup ah an champion a ni.

M-U formation (3-2-3-2) :

M-U formation hi WM formation atanga an hmuhchhuah a ni a,(www.inkhel.com) field lehlam lehlamah outfield player panga ve ve an awm a ni.

Kum 1950 chho khan Hungary lamin an rawn hmang lar chho a, he formation ah hian defender pathum awmin halfback pahnih an awm bawk a, winger pahnih awmin player pawimawhber chu striker a ni.

Striker hi centre back te an position atanga pawt chhuaktu berah an hmang a, forward ten he hmun ruak hi goal thun nan an lo hmang tangkai ta thin a ni.

M-U formation hian W-M formation a rawn ti thi der a, kum 1953 khan Hungary in he foramtion hmang hian W-M formation hmang England chu 6-3 laiin an sawp a, Enland stadium hmingthang Wembley ah a vawikhatnan England hemi tum hian an tlawm. (www.inkhel.com)

4-2-4 formation :

He formation hi Hungary leh Brazil ten kum 1950 chho khan an hmang a, he formation hi defense lama player pali an dah hmasak berna a ni bawk.

Half back te hna ber pakhat chu lehlam pawl counter attack lo danchah a ni a, a laiah player an awm tlem avangin defender te an khawng that a ngai hle bawk a, defender ten ball an chan veleh forward pass (www.inkhel.com) nghal tur an zawn zung zung a ngai a ni.

An attack dawn chuan defender zinga pakhat tlanchhuak in an formation hi 3-3-4 angin an khel thin a, he formation hmang hian Brazil khan 1958 World Cup an lo la tawh a, hun kal zelah he formation atang hian tunlai formation lar tak 4-3-3 leh 4-4-2 te an rawn piang chho ve ta bawk a ni.

inkhel

Source : Football Bible.com

Copyright © inkhel.com 2024. All rights reserved.