Premier League kaithar Nottingham Forest chuan, Premier League khel tura an inbuatsaihna kawngah player lalut hnem tawh viau mah se, an la duhtawk lo niin a lang.

Football Insider-in a tarlan danin, Forest hian Southampton striker Che Adams chu lakluh an duh a, Adams-a chungchangah Saints nen hian an indawr tan tawh.

Leeds United pawhin kum 26 mi Adams hi lakluh an tum ve bawk nia sawi a ni a, Forest leh Leeds te hian Scottish striker hi an inchuh dawn niin a lang.

Leeds hian January thla khan pound maktaduai 20 tling lo deuhin Adams hi lo dawr tawhin, hnar sak an ni a, Forest leh Leeds te hian Adams hi an lalut duh a nih chuan, a tlem berah pound maktaduai 20 vel tal an thehchhuah a ngai dawn.

Kum 2019 July thla khan, Birmingham City atangin Adams hian Southampton hi a zawm a, tunah hian season hnih daih contract a la nei a ni.