15 Sep 2020 10:03

bakteaJr.

Mizo tlangval

​Footballer sum la lut hnem ber Messi

Forbes-in a tarlan danin, Barcelona captain Lionel Messi chu kumin 2020 chhunga footballer sum la lut hnem ber a ni a, Cristiano Ronaldo leh Neymar te ai pawhin a sum lak luh a tam zawk.

Kum 33 mi Argentine forward hian tax chhiar tel lovin, $1,000,000,000 chuang a la lut thei nia sawi a nia, Forbes hian kumin 2020 chhung ringawtin pound maktaduai 98 a la lut tawh niin an tarlang.

Messi hian a hlawh atang leh thil dang atangin sum a la lut hnem hle a, Adidas leh Pepsi te pawhin Ballon d’Or vawi 6 la thei awmchhun hi sponsor in, Messi hian Budwiser limited edition beer a release thar leh bawka, heng atang hian sum hlawm tam tak la lut tura ngaih a ni.

Juventus leh Portugal star Cristiano Ronaldo chu Forbes list-ah hian pahnihnaah a awma, kumin chhungin pound maktaduai 91 a la lut niin Forbes hian a tarlanga, Messi aiin pound maktaduai 7 velin a tlem zawk.

Paris Saint-German player, khawvela footballer man to ber ni lai Neymar chu pathumnaah awmin, ani hian kumin chhungin pound maktaduai 75 a la lut nia tarlan a ni a, Messi leh Ronaldo te nen an la inthlau hle. Brazilian forward hian tun hnai mai khan sponsorship thlakin, Nike ayangin Puma-ah a insawn.

Neymar-a teammate Kylian Mbappe chu palinaah a awma, ani hian kumin chhungin pound maktaduai 33 a la lut a, Neymar nen an inthlau vet vet hle a, Liverpool player Mohamed Salah chu panganaah awmin, ani hian Adidas leh Vodafone Egypt lam atangin sum thahnem tak a la lut.

Paruknaah Manchester United midfielder Paul Pogba a awma, French forward Antoine Griezmann chuan dawtin, Real Madrid hnuchhawn hnu Gareth Bale chu pariatnaah a lang pha bawk. Bayern Munich striker Robert Lewandowski chu pakuanaah awmin, Manchester United player hlawh hnem ber David de Gea chu sawmnaah a lang pha bawk a ni.

2020 chhunga footballer sum la lut hnem top 10 (Forbes):