Lionel Messi chu nikum chhung khan footballer zinga pawisa la lut hnem ber niin, a sum lak luh zawng zawng chu £120 million vel a ni.

France Football chuan 2019 chhunga footballer te sum lak luh dan chu an lawr khawm a, hetah hian Barcelona superstar Lionel Messi chu a chungnung ber a, Juventus star Cristiano Ronaldo chu pahnihna a ni.

Cristiano Ronaldo chuan 2019 chhung khan £109 million a la lut a, Messi chu a pha lo hle a. Pathumnaah chuan £87 million la luttu Paris Saint-Germain forward Neymar a awm a ni.

Real Madrid winger Gareth Bale chu palinaah awmin, nikum chhung khan £35.45 million a la lut a, a hnuai chiahah hian Barcelona forward Antoine Griezmann chu a awm a, nikuma a sum lak luh zawng zawng chu £35.25 million a ni.

Eden Hazard chu parukna niin, Real Madrid player hian nikum chhung khan £32.06 million a la lut a. A hnuai chiahah hian pasarihna dinhmun hauhin Vissel Kobe player Andres Iniesta a awm a, a sum lak luh zat hi £31.14 million a ni.

Raheem Sterling chu pariatna a ni a, a sum lak luh hi £30.96 million niin, Manchester City star hi Top 10 huangah chuan Premier League player awm chhun a ni.

Bayern Munich striker Robert Lewandowski chu pakuana niin, a sum lak luh hi £26.56 million a ni a, Top 10 huanga hnu khartu chu Paris Saint-Germain star Kylian Mbappe a ni a, a sum lak luh zawng zawng hi £24.73 million a ni.