The Centre International d'Etude du Sport chuan tunlai khawvela Footballer larte a zirchiannaah Barcelona treble champion puitu Lionel Messi chu footballer hlu berah a thlang.
An kum zat, an contract neih dan leh an la khelh rei theih zawng te leh tactics leh techniques hrang hrang, season liamtaa an chet that zawng leh sumdawnna lama an chet dan thlengin tehfung chi hrang hrang hman a ni a. CIES chuan Lionel Messi hlut zawng chu €280million (£206m)-in a chhut a, pahnihna chu Real Madrid forward Cristiano Ronaldo ni lovin Chelsea playmaker Eden Hazard a ni tlat mai.
Ballon d'Or winner aiin Hazard a hlu zawk ?
2014 Ballon d'Or winner chu Cristiano Ronaldo a ni. Tun season liamta khan Real Madrd chu trophy lakpui lo mahse goal erawh a khung hnem hle a, Europe-a goal khung hnem ber a ni. Chutih laiin Belgian International Eden Hazard chu Ronaldo aiin a hlu zawk tlat mai le.
Hazard hi kum 24 a ni a, Ronaldo erawh kum 30 a ni. Hei hi a chhan lian tak pakhat a nih ngei a rinawm. Tin, Hazard chuan Premier League title a lak bakah League cup title a la bawk a, Hazard hlut zawng hi CIES-in a chhut dan chuan €148.9m hu a ni a, Ronaldo hlut zawng erawh €124.7m hu a ni.
Pogba aiin Sterling a hlu zawk ?
Top 5-ah hian Neymar leh Serrgio Aguero an lang a, Pogba aiin Liverpool chhuahsan chak ? Raheem Sterling chu a chungnung zawk tlat mai. Sterling hlut zawng hi €81m a ni a, a la naupan em vang leh talent a neih that avangin a hmabak a eng hle a, hei hi a hlut chhan pakhat a ni thei awm e. Hetih laiin Pogba chunga awm tur erawh chuan he tehfung hi sawisel hlawh tak tur chu a ni chiang mai le.
Paul Pogba hlutzawng chu €77.3m a ni a, Coppa Italia leh Scudetto a la hlim hlawl, Champions League final a team a thlenpui bawk. A la naupang em em a, Europe-a club lian Barcelona pawhin an duhthu an sawi lang bawk. Pogba fans te chuan Liverpool winger Sterling aia hniam zawka an dah hi an lawm hauh lovang le.
Top 10-ah Premier League player 5 an lang a, Spanish league player 4 an lang a, Serie A player pakhat a tel bawk.
Top 25 (in full)
1. Lionel Messi (Barcelona) €280.8m
2. Eden Hazard (Chelsea) €148.9m
3. Cristiano Ronaldo (Real Madrid) €124.7m
4. Neymar (Barcelona) €98.5m
5. Sergio Aguero (Manchester City) €86m
6. Raheem Sterling (Liverpool) €81m
7. Paul Pogba (Juventus) €77.3m
8. Diego Costa (Chelsea) €76.9m
9. Alexis Sanchez (Arsenal) €74.6m
10. James Rodriguez (Real Madrid) €68.8m
11. Luis Suarez (Barcelona) €66m
12. Antoine Griezmann (Atletico Madrid) €64.9m
13. Cesc Fabregas (Chelsea) €64.5m
14. Isco (Real Madrid) €62.9m
15. Harry Kane (Tottenham) €58.9m
16. Gareth Bale (Real Madrid) €56.4m
17. Philippe Coutinho (Liverpool) €55.5m
18. Thibaut Courtois (Chelsea) €55.3m
19. Oscar (Chelsea) €52.3m
20. Karim Benzema (Real Madrid) €49.1m
21. Mario Gotze (Bayern Munich) €47.1m
22. Koke (Atletico Madrid) €45.3m
23. Christian Eriksen (Tottenham) €44.2m
24. Romelu Lukaku (Everton) €43.7m
25. Toni Kroos (Bayern Munich) €43.6m