Paris Saint-Germain chuan khawvela footballer man to ber Neymar chu kar khat chhungin £600,000 aia tam an pe tih Der Spiegel-ah tarlan a ni.

Brazilian forward kum 25 mi Neymar hi tun nipui bazarah khan PSG chuan Barcelona atangin £198 million in an lei a, a hlawh erawh puanzar a ni lo, kum nga chhung atan kum tin £32 million vel hlawh an pe nia rin a ni a, Neymar-a hlawh chungchang document hi a putru nia sawi a ni a, chumi chu German chanchinbu Der Spiegel chuan a tarlang ta a ni.

Tuna khawvela footballer hlawh hnem ber ni mek chu Manchester City striker hlui Carlos Tevez a ni a, Tevez hian Chinese Super League club Shanghai Shenhua-ah kar khat chhungin £634,000 vel a hlawh nia tarlan a ni.

Neymar hian a club thar PSG tan tha a thawhhlawk nghal hle a, Ligue 1-ah game 5 khel tawhin goal 4 a khung tawh a, Champions League-ah game 1 khel tawhin goal khat a khung tawh bawk. PSG tan game 6 atangin assists vawi 5 lai a nei tawh nghe nghe a ni.

Montpellier nen goal awm lova an inhnehtawk tum khan inhliam avangin an inlan thei lo nia sawi a ni a, Neymar leh Cavani te chu dead ball pet inchuh avangin an inkarah inrem lohna an nei mek nia sawi a ni bawk.