26 Mar 2015 07:33

Inkhel

Mizo Sports Website hmasa ber

Footballer hlawh tam ber Lionel Messi

Barcelona star Lionel Messi chu khawvela footballer hlawh tam ber niin, £1million dawn nikum khan kar tin hlawh ang zel a ni tih France Football annual survey of wages chuan a tarlang.

France Football annual survey of wages chuan Messi hian commercial deals atanga bonus a dawn hma hauhin kum khatah £26m chuang a hlawh pangngai atangin a hui tawh tih a tarlang.

Adidas, FIFA 15 leh Turkish Airline te sponsorship atangin a hlawh pangngai ang zat deuh thaw a dawn leh bawk avangin kum khata a hlawh chu £47.8m lai a tling. Cristiano Ronaldo chu 2-na niin £39.7m kum khatah a laluta, Neymar a'n dawt ve lehin £26.8m lai a hlawh ve bawk.

Premier League atanga player hlawh tam ber chu Robin van Persie a ni a, hlawh pangngai £11.8m bakah £5m bonus a dawng bawk. Commercial revenue zawng zawng nen £18.8m lai RvP hian a hlawh phak a ni.

RvP hi Gareth Bale (£17.5m) chungah chiah a awm a, Wayne Rooney (£16.5m) chu a hnuai hnuai lehah awmin, Sergio Aguero (£15.5m) pawh top ten ah a langa, Eden Hazard leh Yaya Toure te chuan £14.7m ve ve an lalut thung.

Coach lamah Mourinho chu hlawh tam ber ni mekin £10m a hlawh bakah £3.2m commercial revenue atangin a hui tel bawk. Arsene Wenger (£8.3m) leh Louis Van Gaal (£7.3m) te pawh Zenit coach Andre Villas Boas (£6.25m) leh David Moyes (£5.14m) te nen top 10 ah an lang tel bawk.