- Borussia Dortmund winger Jadon Sancho, 19 chuan German club chu chhuahsan a duh a, amah ngaihventu club hrang hrang zingah Premier League hmahruaitu Liverpool te pawh an tel a ni. (Mail)
- Tottenham Hotspur leh England left-back Danny Rose, 29 chu club chuan contract thar ziahpui an tum loh thu an hrilh a, Danny Rose hian thla 18 chhung contract a la neih chu hman zawh a tum. (London Evening Standard)
- Tottenham chuan kum 27-a upa Denmark midfielder Christian Eriksen bakah Belgian defender pahnih Jan Vertonghen, 32 leh Toby Alderweireld, 30 te chu nipui transfer window inhawn hunah free transfer in an chhuah an hlau hle. (Star)
- Manchester City boss Pep Guardiola chu England hmar thlang lamah a hlim lo hle niin an sawi a, Spanish coach hi Bundesliga champion Bayern Munich nen an sawi zawm mek a ni. (Bild)
- Chelsea leh Brazil winger Willian chuan kum thar nipui hunah Stamford Bridge-a a contract a hmang zo tawh dawn a. Amah ngaihventu Juventus leh Barcelona te chuan kum 31-a upa Willian hi January thlaah pre-contract ziahpui an tum thut thei. (Mirror)
- Inter Milan boss Antonio Conte chuan January thlaah Chelsea striker Olivier Giroud chu lak a hreh lo a. Kum 33-a upa France striker hian kum thar nipui thleng chauh contract a nei tawh a ni. (Gazzetta dello Sport)
- Netherlands boss Ronald Koeman chuan Euro 2020 zawh hnuah Barcelona chu a enkawl thut thei niin a sawi. (Marca)
- Arsenal, Liverpool leh Manchester United te chuan West Brom leh England forward kum 16-a upa Jovan Malcolm chu an thlithlai ngun hlawm hle. (Mirror)
- Manchester City star David Silva, 33 chuan Premier League season tawp huna a contract a hman zawh chuan a thianpa kum 35-a upa Spanish midfielder Andres Iniesta chu Japanese club Vissel Kobe-ah a zawm maithei. (Mail)
- Germany winger Leroy Sane chuan Manchester City chhuahsana Bayern Munich a zawm ta a nih chuan City hian Real Sociedad leh Spain forward Mikel Oyarzabal, 22 buyout clause chu an chhang maithei a ni. (90min)
- Bayern Munich chuan nipui transfer window inhawn laia a khup hliam vanga an lak theih tak loh, kum 23-a upa Leroy Sane chu tha tharin an beisei leh hmel hle. (Mail)
- Napoli chuan Manchester United nen an sawi zawm mek, kum 28-a upa Senegal defender Kalidou Koulibaly bakah Arsenal nen an sawi zawm ve deuh, kum 32-a upa Belgium forward Dries Mertens te chu season bul an tan that vak loh avangin man tlawm zawkin hralh an rilruk mek. (Ilmattino)
- Arsenal chuan Stuttgart leh Belgium Under-21 midfielder Orel Mangala, 21 chu an ngaihven hle. (HLN)
- Leicester City chuan January thlaa transfer window inhawn hunah Metz atangin Senegal forward kum 24-a upa Habibou Diallo chu lak an tum dawn niin an sawi. (Leicester Mercury)
- England captain hlui David Beckham chuan Inter Miami a lut turin player a be kual mek a. Major League Soccer club thara lut thei tur hian Barcelona leh Uruguay striker kum 32-a upa Luis Suárez, Real Madrid leh Colombia playmaker James Rodríguez, 28 te bakah Paris St-Germain leh Uruguay forward Edinson Cavani, 32 te hming an sawi ri mek a ni. (Sun)