- Chelsea, Manchester United leh Leicester City te chuan Barcelona midfielder Philippe Coutinho agent chu nipui huna Brazil midfielder kum 27-a upa lak theih dan tur chungchangah an dawr tawh a. Coutinho hian Chelsea chu heng club zingah hian a duh ber niin an sawi. (Sun)
- Chelsea leh Brazil midfielder Willian, 31 chuan June 30 ah hian contract a hmang zo tawh dawn a, Premier League season tawp thleng atan contract tawi deuh hlek a ziak mai thei niin a sawi. (Mail)
- Leicester City chu Liverpool midfielder Adam Lallana la thei tura rin kai ber an ni mek a, Lallana hian tun season tawp thleng chauh contract a nei tawh a, Arsenal, Crystal Palace, Everton leh West Ham United te chuan kum 32-a upa English midfielder hi an ngaihven hlawm hle. (Star)
- Liverpool midfielder hlui John Barnes chuan Borussia Dortmund leh Norway striker Erling Braut Haaland, 19 chuan Anfield-a Roberto Firmino hmun ruak luah thei turin thiamna a nei tha tih a sawi. (Express)
- Manchester United manager Ole Gunnar Solskjaer chuan nipui transfer window inhawn hunah Red Devils chu an che na viau dawn niin a sawi a, coronavirus vangin an club hian £28 million vel chu an seng tawh a ni. (Express)
- Bayern Munich chuan coronavirus vanga inkhel tihtawp lailawk a nih hma khan Jadon Sancho an ngaihven hle a, Borussia Dortmund chuan English midfielder kum 20-a upa chu £100 million vel bawra hralh theih an beisei thu sawiin, Bundesliga lama an elpuite hnenah chuan hralh an tum loh thu an sawi chhuak. (Metro)
- Tottenham manager hlui Mauricio Pochettino chuan hna a thawk leh dawn hnai tawh a, Newcastle United nen an sawi zawm mek a, a tana hna dik tak chauh chelh a tum thu a sawi. (Express)
- Tottenham leh Belgium defender Jan Vertonghen, 33 chuan June 30 ah hian contract a hmang zo tawh dawn a, contract pawh sei tumna a awm lem loh avangin Spurs chu a chhuahsan hmel hle. (ESPN)
- Bayer Leverkusen leh Germany midfielder kum 20-a upa Kai Havertz chu Liverpool, Manchester United leh Chelsea te chuan an ngaihven hle a, hetih lai hian Premier League lama kal lo turin Manchester United leh Tottenham forward hlui Dimitar Berbatov chuan a hrilh. (Evening Standard)
- Manchester City chuan Premier League club dangin an thllithlai mek Kai Havertz chu an ngaihven thar ve mek. (Sun)
- Chelsea chuan Barcelona atanga kum 18-a upa Dutch defender Xavier Mbuyamba lak luh an duh a, coronavirus vanga an club sum dinhmun a tlak hniam avangin player naupang deuh hlek an melh mek a ni. (Evening Standard)
- Germany goalkeeper kum 28-a upa Marc-Andre ter Stegen chuan Barcelona-ah kum nga chhung atan contract a ziah thar hmel a, hei vang hian Chelsea chuan hmun dangah goalkeeper thar tur hi an melh a ngai dawn. (Sun)
- Paris St-Germain chuan £44.7 million bakah a hnua £8.9 million belh leh theih turin Argentina striker Mauro Icardi, 27 chu lei an dil dawn a, nikum nipui lai atang khan French club hian Icardi chu Inter Milan atangin an hawh tawh a ni. (Sky Sports)
- Amiens president Bernard Joannin chuan West Ham chu French striker Serhou Guirassy, 24 lak luh duh zinga an tel thu a sawi chhuak. (Star)
- Arsenal leh Chelsea te chuan kum 18-a upa German defender Kaan Kurt chu an thlithlai mek a, Kaan Kurt hi Borussia Monchengladbach team pakhat zawkah a tel mek a ni. (Sun)