22 May 2020 04:47

inkhel

Football titi tawi thenkhat

  • Barcelona chuan kum 26-a upa French defender Samuel Umtiti man chu tihniamin £27 million chauh an chhiar tawh a. Umtiti hi Manchester United leh Arsenal te chuan an ngaihven mek a ni. (Sport)
  • Manchester United chuan nipui transfer window inhawn huna centre-back thar lak luh chu an tum ber a nih tur thu an sawi a. Ole Gunnar Solskjaer chuan Napoli atangin kum 28-a upa Senegal international Kalidou Koulibaly lak luh a tum hle a, Paris St-Germain chuan Koulibaly hi an ngaihven zui tawh loh avangin United tan hun tha a inher chhuak mek niin a ngaih theih. (Express)
  • Juventus leh Bosnia-Herzegovina midfielder Miralem Pjanic, 30 chu Chelsea in beisei viau mah se nipui transfer window inhawn hunah Premier League lam pan theihna chu hnawl a tum thu a sawi. (Mundo Deportivo)
  • Borussia Dortmund striker kum 19-a upa Erling Braut Haaland release clause €75 million chu 2022 atanga nung chauh tur a nih avangin Norway striker hi la lut tur chuan Real Madrid leh Manchester United te chuan kum khat vel an la nghah a ngai ang. (Evening Standard)
  • Arsenal chuan £25 million in Borussia Dortmund atangin kum 24-a upa Switzerland defender Manuel Akanji chu lak an tum a, kumin January thla atang khan an lo indawr tan tawh a ni. (Sun)
  • Everton leh Arsenal te chuan Juventus atanga French midfielder Adrien Rabiot, 25 lak an duh ve ve a, Gunners chuan Rabiot hi Matteo Guendouzi, 21 nen tha deuha an inkawp theih an beisei hle. (Le10 Sport)
  • Arsenal chuan Ajax leh Argentina left-back Nicolas Tagliafico, 27 chu £20 million vela lei an tum. (Sun)
  • Liverpool chuan Sevilla atangin Brazilian defender Diego Carlos, 27 lak luh an duh. (Marca)
  • Tottenham Hotspur defender kum 29-a upa Danny Rose chuan Leicester City manager Brendan Rodgers kaihhruaina hnuaia khelh a duh thu a sawi. (Mail)
  • Paris St-Germain chuan Arsenal atanga kum 30-a upa Gabon forward Pierre-Emerick Aubameyang lak luh an hnial lo hle a, Aubameyang hian Emirates Stadium-ah kum khat chhung chauh contract a nei tawh a ni. (Le10 Sport)
  • Everton chu Barcelona defender Jean-Clair Todibo la lut thei tura rin kai ber an ni mek a. Kum 20-a upa French defender hian tun season chu Schalke lamah loan-in a khel a ni. (Sport
  • Leicester City chu Manchester City, Wolves leh Everton te aia Celtic leh Norway defender Kristoffer Ajer, 22 la lut thei tura rin kai ber an ni. (90min.com)
  • Wolves chuan Real Madrid midfielder Oscar Rodriguez chu an ngaihven hle a, Rodriguez hi Leganes chuan loan-in an la mek a, kum 21-a upa hi Lazio pawhin an thlithlai ngun hle. (Mundo Deportivo)
  • Borussia Dortmund leh Germany midfielder Emre Can, 26 chuan Liverpool tana khel tawh a nih avangin a tan chuan Manchester United zawm ngaihna a awm loh thu a sawi. (Bild)
  • Crystal Palace chuan Bournemouth winger Ryan Fraser lak luh an inpeih hle a. Fraser hian Tottenham Hotspur zawm a duh a, chutih rualin Spurs manager Jose Mourinho chuan kum 26-a upa Scotland winger chu Premier League club chungnung paruk vela khelah chuan a la tha tawk lo niin a ngai. (Express)
  • Manchester United chuan £10 million velin Sporting Lisbon leh Portugal left-back kum 17-a upa Nuno Mendes lak luh dan an ngaihtuah. (Star)