- Manchester United chuan kum thar nipui hunah Crystal Palace forward Wilfried Zaha, 26 chu a vawi hnihna atan lak an tum leh dawn a. 2013 leh 2015 inkara an hnena awm Ivory Coast forward manah hian £70 million chu theh chhuah an phal hmel hle. (Sun)
- Liverpool chuan January thlaa Bournemouth atanga Scotland winger Ryan Fraser, 25 la turin hma an la chho mek. (Talksport)
- Tottenham chuan 2015 leh 2017 inkara Manchester United player ni thin, kum 25-a upa Lyon midfielder Memphis Depay chu £50 million a lei an rilruk. (Mirror)
- Liverpool midfielder hlui Xabi Alonso, 37 leh Tottenham manager ni mek Mauricio Pochettino, 47 te chu Bayern Munich manager thar ni thei tura sawi rik nasat berte an ni mek. (Star)
- Manchester City chuan Premier League title an kawl mek an humhim theihna turin kum thar January thlaa transfer window inhawn hunah £100 million zet chu hman an tum. (Mirror)
- Manchester City manager Pep Guardiola chuan thla 18 chhung contract a la neih chu Etihad Stadium lamah a hman zawh ngei an beisei. (Times)
- Manchester United chuan January thlaah an striker hlui Zlatan Ibrahimovic, 38 chu lak luh an tum dawn lo a. Swedish striker Ibrahimovic hian LA Galaxy lamah a contract a hmang zo tawh dawn a, January thlaah chuan free agent a ni tawh ang. (Sky Sports)
- Arsenal leh Germany goalkeeper Bernd Leno, 27 chu Bayern Munich chuan an No. 1 goalkeeper kum 33-a upa Manuel Neuer thlaktu atan an thlithlai mek. (Sun)
- Borussia Dortmund chuan Everton attacking midfielder Anthony Gordon, 18 chu nipui lai khan an lo beisei thlawn tawh a, England Under-19 attacking midfielder hi beisei zui an la tum hle. (Football Insider)
- Wolves chuan kum 16-a upa Welsh attacking midfielder Chem Campbell chu contract thar ziahpui tumin hma an la mek a. Chem Campbell hi German club thenkhat Borussia Dortmund, Schalke leh RB Leipzig te chuan an beisei mek a ni. (Football Insider)
- Arsenal manager Unai Emery chu club thuneitute chuan Emirates Stadium lama awm zui zel tlak a ni tih lantir turin game 6 chhung an enthla dawn. (Standard)
- Spain boss hlui Luis Enrique chu Arsenal manager Unai Emery thlaktu tur ni awmin an sawi ri a, Enrique hian football team enkawl chu a la tum rih loh thu a sawi. (ESPN)
- Newcastle United midfielder Matty Longstaff, 19 chuan tun hnaiah contract thar a ziak dawn a, hetih lai hian a unaupa, kum 22-a upa Sean Longstaff chu contract thar ziak thei tur chuan theihtawp a chhuah a ngai niin an hrilh thung. (Telegraph)
- Spanish forward Ayoze Perez, 26 chuan nipui lai khan Newcastle United atanga Leicester City zawm turin Spanish club Valencia chu a hnar niin a sawi. (Mail)
- Tottenham, Chelsea, Watford leh Norwich te chuan Metz striker Habib Diallo chu January thlaa lak an tum dawn a. Kum 24-a upa Senegal striker hian tun season chhungin game 13 khelhah goal 8 chu a thun tawh a ni. (Teamtalk)
- West Ham chuan January thlaa transfer window inhawn hunah goalkeeper thar lei an rilruk a. Kum 33-a upa Spanish goalkeeper Roberto chuan Premier League game 6 khelhah goal 13 zet a chhuah tawh a, Lukasz Fabianski a la inhliam bawk avangin a dang melh mai an tum a ni. (The Athletic)