- Real Madrid chuan Arsenal atangin kum 30-a upa Gabon forward Pierre-Emerick Aubameyang chu lei an duh a. Hemi hma hian Norway striker Erling Braut Haaland, 19 chu Borussia Dortmund atanga lei an tum hmasa phawt dawn a. Kum 27-a upa Senegal international Sadio Mane pawh Liverpool atanga lak chhuah an duh bawk. (Express)
- Real Madrid chuan kum 21-a upa Brazilian midfielder Igor Gomes chu Sao Paolo atanga lei an duh a, Igor Gomes hi £45 million man vel nia ngaih a ni. (AS)
- Borussia Dortmund winger Jadon Sancho, 20 chuan Manchester United a zawm dawn tih a sawi chhuak a, England winger hi £116 million man vel ni tura ngaih a ni. (Irish Independent)
- Manchester United chuan Spain leh Atletico Madrid midfielder Saul Niguez, 25 chu lak theih ngei an inbeisei hle a, an la thei a nih chuan an club record thar siamin £135 million vel an theh chhuah a rinawm. (Daily Star)
- Newcastle United chuan Burnley midfielder pahnih Robbie Brady leh Jeff Hendrick te chu lak an duh a, an pahnih hian kum 28 ve ve niin free transfer in an lak theih dawn a. Republic of Ireland midfielder pahnihte hian nipui hunah Turf Moor lama an contract chu an hmang zo tawh dawn a ni. (Newcastle Chronicle)
- Arsenal midfielder Henrikh Mkhitaryan chuan loan-a a khelhna Roma chu nipui hunah hian a ngheta zawm theih a inbeisei hle a. Arsenal chuan kum 31-a upa Armenia midfielder manah hian £18 million an phut a, hetih lai hian Italian club chuan £10 million aia to chuan lei an tum lo thung. (Mail)
- Premier League thuneitute hnenah Public Investment Fund of Saudi Arabia te chuan £340 million velin Newcastle United lei an duh tih an thlen. (Telegraph)
- June thlaa Premier League season zawh theih an duh avangin player te chu thla khat chhung hotel-a khung hran ni se tiin thutlukna an siam. (Mirror)
- Barcelona leh Spain legend Xavi chuan La Liga club enkawl tura a inpeih thu sawiin, hetih rual hian dressing room boruak tha lo tak awm lo se a duh thu a sawi. (La Vanguardia)
- Aston Villa leh England goalkeeper kum 33-a upa Tom Heaton chuan inkhelh a chawlhsan hunah chuan coaching lampang luhchilh a duh thu sawiin, a club hlui Burnley ah kir leh theih a inbeisei. (Independent)
- Everton chuan coronavirus darh mek karah kumin nipui lai hian an stadium thar tura an ruahman chu thuneitute’n an pawmsak an beisei thu an sawi. (Liverpool Echo)