25 Mar 2020 03:57
Football titi tawi thenkhat
- Liverpool leh Senegal forward Sadio Mane, 27 chuan Anfield chhuahsanin Real Madrid a zawm ang a, kum 27-a upa Egypt forward Mohamed Salah pawhin Reds chhuahsan se tha a tih thu Liverpool midfielder hlui Mohamed Sissoko chuan a sawi. (Sun)
- Manchester City leh England forward Raheem Sterling, 25 chuan Anfield chhuahsan tawh mah se Liverpool ngainatna lian tak a la neih reng thu a sawi chhuak. (Sky Sports)
- Liverpool, Manchester City leh Arsenal te chuan Schalke defender feet 6 leh inches 3 zeta sang, kum 18-a upa German defender Malick Thiaw chu an ngaihven hlawm hle a. Malick Thiaw hian a contract-ah £6.9 million release clause a nei a ni. (Mail)
- Manchester United chuan France World Cup winning midfielder Paul Pogba, 27 chu Old Trafford-ah a la awm zui zel an ring nghet tial tial a, Europe khawmualpuia club liante chuan a man an chhiar chu an ngam an rin loh thu an sawi. (ESPN)
- Real Madrid chuan Borussia Dortmund atangin kum thar lamah Norwegian striker Erling Braut Haaland, 19 chu lak an duh a. Manchester United leh Tottenham Hotspur te pawhin Haaland hi an ngaihven ve bawk a ni. (Mundo Deportivo)
- Chelsea chuan Getafe atangin Spanish full-back Marc Cucurella, 21 chu kumin nipui transfer window inhawn hunah £23 million a lak an duh. (Diario Sport)
- Chelsea chuan Ajax leh Argentina defender Nicolas Tagliafico, 27 an ngaihven hle a, Leicester full-back Ben Chilwell chu ngaihven zui an tum vak tawh lo. (Calciomercato)
- Manchester United defender kum 30-a upa Chris Smalling chuan loan-a a khelhna Roma chu a nghetin a zawm thei mai thei a. Red Devils-in Senegal defender Kalidou Koulibaly chu Napoli atanga an la thei a nih chuan Italian club hian Chris Smalling chu an la zui thei dawn a ni. (Gazzetta dello Sport)
- Borussia Moenchengladbach chuan Barcelona dilna chu kumin January thlaa transfer window inhawn lai khan an hnar a, Spanish club hian French forward kum 27-a upa Alassane Plea lei an dil a ni. (Sport Bild)
- Coronavirus vanga Juventus player leh staff inkhung hrangte chu vawiinah hian an chhuak ve thei tawh dawn a, anmahni chenna in theuh an pan ve tawh dawn a. Hetih lai hian Daniele Rugani, Blaise Matuidi leh Paolo Dybala te chu coronavirus kai an nih avangin an la inkhung hrang zel ang. (Gazzetta dello Sport)
