17 Oct 2020 03:08

inkhel

Football titi tawi thenkhat

  • Arsenal boss Mikel Arteta chuan Mesut Ozil, 32 hnenah thla hnih chhung chu Emirates Stadium-a awm tlak a nihzia lantirna hun a neih thu a hrilh a. German playmaker Ozil hian March 7 hnuah Gunners tan bul a la tan leh miah lo a ni. (Express)
  • Barcelona leh Real Madrid te chuan Portugal midfielder Bruno Fernandes an ngaihven mek a, Manchester United midfielder kum 26-a upa hi Old Trafford atanga thlem chhuah an duh a ni. (Sun)
  • Championship club Watford chuan transfer window inkhar niah Premier League club Crystal Palace atanga £25 million a Senegal winger Ismaila Sarr, 22 lei dilna an hnawl. (Mail)
  • Barcelona player te chuan an club president Josep Maria Bartomeu-a’n hlawh tihhniam tumna a neih chu an thlawp lo. (Marca)
  • Leicester City boss Brendan Rodgers chuan Islam Slimani, 32 chu a ruahmannaah a la tel zel thu a sawi a. Algeria forward hi Foxes tan January 2018 atang khan a la inlan miah lo a ni. (Telegraph)
  • Newcastle United winger Rolando Aarons chuan transfer window inkhar niah Huddersfield Town a pan thei ta lo a. Kum 24-a upa lehkha pawimawh chu EFL hnenah hun tawp hmain an theh lut hman ta lo a ni. (Shields Gazette)
  • St Etienne manager Claude Puel chuan Arsenal leh France defender kum 19-a upa William Saliba chu an hnena kir leh chak viau niin a sawi a. Nipui transfer window inhawn lai khan Saliba hi St Etienne chuan loan-a lak an tum a, an hlawhtling ta lo a ni. (L'Equipe)
  • Premier League leh Republic of Ireland striker hlui Robbie Keane, 40 chu Major League Soccer lamah a kir leh dawn a, LA Galaxy manager thar a ni dawn. (Sun)