- Manchester City chuan Bayern Munich atanga Spanish midfielder Thiago Alcantara lak luh an duh a, Liverpool aiin kum 29-a upa Alcantara hi an ngam huai zawk. (SportBild)
- Manchester United chuan Borussia Dortmund atanga England winger Jadon Sancho, 20 lak luh an tum mek a, player dang lak luh chungchang an buaipui rih loh phah. (Mirror)
- Juventus chuan Arsenal an dawr tan a, French striker Alexandre Lacazette, 29 lak luh dan an ngaihtuah. (CalcioMercato)
- Watford chuan an club record thar siamin Senegal winger Ismaila Sarr, 2 chu £40 million zet an chhiar a. Ismaila Sarr hi Liverpool bakah Europe khawmualpuia club thenkhatin an beisei mek a ni. (Evening Standard)
- Senegal winger Ismaila Sarr chuan tun hnaiah an rama chanchinbu mi thenkhat hnenah tu pawhin Liverpool tana khelh theih chu an chak thu a sawi. (Sans Limites)
- Roma chuan kum 23-a upa Guinea midfielder Amadou Diawara chu Arsenal leh Uruguay midfielder Lucas Torreira, 24 nen inthleng an duh. (Gazzetta dello Sport)
- Valencia chuan Premier League club thenkhat hnenah an player pakhat tih loh chu hralh vek an tum thu an hriattir. (Marca)
- Jack Grealish chu Aston Villa chief executive Christian Purslow nen chawlh a hman zawh hunah an inbe dawn a, Manchester United chuan kum 24-a upa English midfielder hi an la ngaihven reng a ni. (Mirror)
- Benfica chu Tottenham defender hlui Jan Vertonghen la lut thei tura rin kai ber an ni mek a. Kum 33-a upa Belgium defender bakah Uruguay leh Paris St-Germain striker hlui Edinson Cavani, 33 pawh Benfica hian an la lut mai thei. (Sun)
- Lyon sporting director Juninho chuan midfielder Houssem Aouar chu nipui lai hian a chhuah hmel niin a sawi a. Arsenal, Manchester City leh Juventus te chuan kum 22-a upa French midfielder hi an ngaihven hlawm a ni. (Mail)
- France midfielder Paul Pogba, 27 chuan Europa League an khelh zawh hunah Manchester United thuneitute’n contract thar an ziahpui a beisei. (Sky Sports)
- Everton manager Carlo Ancelotti chuan England goalkeeper Jordan Pickford, 26 chu duh anga rintlak tawk lo niin a ngai a, hei vang hian goalkeeper thar an ngaihtuah a rinawm. (Star)
- Arsenal chuan Sporting Lisbon atangin kum 17-a upa Joelson Fernandes lak luh an duh a. Portugal Under-17 forward hi 'the new Cristiano Ronaldo' tiin an sawi thin a, Gunners hian pawisa bakah an player neih sa nen lak an tum dawn. (Mirror)
- West Bromwich Albion leh Fulham te chuan Peterborough atangin English striker Ivan Toney, 24 lak luh an tum. (Football Insider)
- Napoli chuan Brazilian defender Gabriel Magalhaes chu £22 million in an la lut thei tep a, kum 22-a upa Lille defender nen hian an inbe rem tawh niin an sawi a. Magalhaes hi an la lut thei a nih chuan Manchester City in Senegal defender Kalidou Koulibaly, 29 chu Italian club atang hian an lak theih hmel a ni. (Manchester Evening News)
- Tottenham chuan Southampton atanga Dane Pierre-Emile Hojbjerg, 25 an lak vangin kum 19-a upa English midfielder pahnih Oliver Skipp leh Jamie Bowden te chu loan-a chhuah an remti dawn. (Football Insider)
- Atletico Madrid chuan Eibar leh Serbia goalkeeper Marko Dmitrovic, 28 chu transfer window inhawn laia lak luh ngei an tum dawn a. Chelsea lam pan tur nia sawi Slovenian goalkeeper Jan Oblak, 27 tha chhang dawltu atan an duh a ni. (Goal)
- Velez Sarsfield chuan Southampton leh Argentina forward Guido Carrillo, 29 an ngaihven mek. (TyC Sports)
Football titi tawi thenkhat
13th August 2020, 09:08PM
