- Manchester City chuan nipui transfer window inhawn laiin player pali tal lak thar an duh a. Napoli leh Senegal centre-back Kalidou Koulibaly, 29 bakah Inter Milan leh Argentine striker Lautaro Martinez, 22 te chu lak luh atana an duh zualte an ni. (Sky Sports)
- Manchester City chuan Atletico Madrid leh Portugal playmaker Joao Felix, 20 chu an bepawp tan. (Athletic)
- Barcelona winger Philippe Coutinho chu Arsenal pan thei tura beisei mek a ni a, tha takin an indawr niin an sawi a. Kum 28-a upa Brazil midfielder hian season hman zawh takah khan Bayern Munich chu loan in a zawm a ni. (Sport)
- Arsenal chuan Chelsea leh Brazil winger Willian, 31 chu kum thum chhung contract ziahpui turin an bia. (Sky Sports)
- Arsenal chu Lille leh Brazil defender Gabriel Magalhaes, 22 la thei tura rin kai ber an ni mek a, Manchester United, Everton leh Napoli te pawhin Gabriel Magalhaes hi an beisei ve bawk a ni. (La Voix du Nord)
- Chelsea chuan £60 million an chhiar Uruguay defender Jose Gimenez, 25 chu Atletico Madrid atanga lak luh an duh a. A hmain Blues hian West Ham United leh England midfielder leh centre-back Declan Rice chu lak luh an tum a, a man an chhiar zat an theh chhuak hreh deuh a ni. (Daily Star)
- Chelsea chuan Real Madrid leh Spain left-back Sergio Reguilon, 23 an dawr mek a, Reguilon hian season liam taah khan Sevilla lamah hun a hmang a ni. (ESPN)
- Barcelona goalkeeper Marc-Andre ter Stegen chuan Camp Nou-ah kum nga chhung atan contract a ziak dawn hnai a. Kum 28-a upa Germany goalkeeper ngaihventu Chelsea tan chuan thu lawmawm tak a nih hmel loh hle. (Mundo Deportivo)
- Real Madrid leh Colombia midfielder James Rodriguez, 29 chuan £13.5 million in an hmelma club Atletico Madrid zawm a rilruk mek. (El Golazo de Gol)
- Tottenham Hotspur chuan £35 million in right-back Serge Aurier hralh an rilruk a, AC Milan leh Monaco te chuan kum 27-a upa Ivory Coast defender hi an thlithlai ngun hle. (Mirror)
- Werder Bremen chuan Manchester United atangin kum 20-a upa Dutch winger Tahith Chong chu loan a lak an duh. (Bild)
- Crystal Palace chuan Scotland winger Ryan Fraser chu contract an zawrh mek a. Kum 26-a upa Fraser hian Bournemouth a chhuahsan a, free agent a ni mek. (Guardian)
- Fulham chuan Crystal Palace in an beisei mek Ryan Fraser an ngaihven thar ve. (Sky Sports)
- Everton leh Wolverhampton Wanderers te chuan Barcelona leh Brazil midfielder Rafinha, 27 an ngaihven ve ve a, Catalan club chuan release clause £14.5 million a neih aia tlawm chuan chhuahtir an tum lo. (Sport)
- Tottenham chuan Brentford leh Algeria winger Said Benrahma, 24 chu lak luh an hreh lo. (Mirror)